ياسمين عز: «الراجل من حقه يمسك تليفون مراته زي ما هو عايز» - فيديو
أثارت الإعلامية ياسمين عز، جدلًا كبيرًا بعد ما قالته بإن الزوجة هي السبب الرئيسي في حدوث المشاكل بين الزوجين.
وقالت ياسمين، خلال برنامجها "كلام الناس"، المذاع على قناة إم بي سي مصر: "الراجل من حقه يمسك تليفون مراته زي ما هو عايز والست مش حقها".
وتابعت موجهة حديثه للمتزوجات: "بتزعقي لجوزك ليه عشان بيدوس على سجادة الصالون بجزمته، ما هو جايبها بفلوسه".
اقرأ أيضًا: «خلوا بالكم».. إسلام عنان يحذر من الموجة الجديدة لفيروس كورونا
وأكملت: "إزاي بتطلبي أنه ميبصش بره وأنتي رابطة له القمطة، وبتشتكي ليل نهار، بدل من تقولي له وحشتني وتسألي عنه".
وواصلت: "أنا أعرف ستات أما أجوازهم يروحوا الشغل، مش بيعبروهم، في ستين سلامة والمركب اللي تودي".
وأضافت: "طبيعي أما يلاقي واحدة يتعلق بيها، مهو شايف بوز في البيت، قامطة دماغها، وبتقعد تشتكي".
واختتمت متسائلة: "وأنتي ليه لما حد يجي من عيلتك الولائم تشتغل، وفي الأيام العادية مفيش حاجة تتعمل الراجل الغلبان ده؟".
