إتسرعت لما جالي الدور.. كريم عبد العزيز يكشف تفاصيل مسلسله الجديد «الحشاشين»
حل الفنان كريم عبد العزيز مع أبطال فيلم "الفيل الأزرق" في ندوة بالمملكة العربية السعودية تحديدًا مدينة الرياض، تحت عنوان "الفيل الأزرق من الورق إلى الشاشة".
وأعرب كريم عبد العزيز خلال حديثه مع برنامج "الستات مايعرفوش يكذبوا" للإعلامية هبه الأباصيري عن مدى سعادته بالتواجد في السعودية، قائلًا: "دى تاني مرة ليا في الرياض أنا كنت هنا من شهرين أنا وعز في افتتاح فيلم كيرة والجن وتاسع مرة ليا في المملكة".
وتابع: "مبحسش إني سافرت بسبب العلاقة بين الشعبين والإستقبال الحافل اللي استقبلونا بيه وحسن الضيافة وبنشكرهم طبعًا ولما بييجوا مصر بنشيلهم علي راسنا وده شئ مش جديد على الشعب السعودي ولا على الشعب المصري".
وأضاف: "فرحان جدًا بالندوة وفرحان بالإنتفاح اللي حصل في المملكة، وفكرة الثقافة الجديدة اللي دخلت والأفلام اللي بتتعرض والشعب السعودي بقا مطلع على كل حاجة وإحنا دايمًا موجودين وهما موجودين".
وبالحديث عن مسلسله الجديد "الحشاشين"، قال "كريم": "أنا سقعت وإتسرعت لما جالي الدور، لإن الموضوع كبير جدًا وليه أبعاده الفكرية اللي عايزة تتنقل للناس وللشباب تحديدًا جديدة، ولسه في مرحلة التحضير وفرحان جدًا بثالث تعامل ليا مع المخرج بيتر ميمي حبيبي وأول تعامل مع المؤلف الكبير عبد الرحيم كمال، ويارب الناس تتبسط في رمضان إن شاء الله".
اقرأ أيضًا .. مخرج مسلسل دوبامين لـ «الطريق»: العمل يناقش تأثير السوشيال ميديا على العلاقات الإنسانية
