«التمثيل ماينفعش مع الحجاب ومش مسامحة فاتن حمامة».. تصريحات مفاجئة لأمل إبراهيم
تصدر اسم الفنانة أمل إبراهيم مؤشرات البحث الساعات الماضية، وذلك عقب حلولها ضيفة في برنامج واحد من الناس على قناة الحياة والذي يقدمه الإعلامي عمرو الليثي، وخلال اللقاء صرحت الفنانة المعتزلة أمل إبراهيم بعدد من الأسرار.
"الطريق"، يرصد تصريحات الفنانة المعتزلة أمل إبراهيم في برنامج واحد من الناس
تصريحات أمل إبراهيم في برنامج واحد من الناس
- ضربت إلهام شاهين بجد في فيلم "فتنى أيام الغضب"، وروحت بيتها جسمها متكسر الله يكون في عونها.
بداية دخول أمل إبراهيم التمثيل
- أول عمل ليا في التمثيل كان فيلم أمهات في المنفى، وجالي لما كنت شغالة في التليفزيون موظفة بس كنت شقية شوية، وأستاذ فايق إسماعيل سألني بتعرفي تقرأي عربي قولتله طبعًا وقالي انتي معايا العمل اللي جاي.
أمل إبراهيم رفضت لمس محمود ياسين
- رفضت إن محمود ياسين يلمسني في دور كنت بعمله قدامه، وقولتله إني صايمة فقالي هزقك بس لكني اعتذرتله، وحصل موقف مشابه لما كنت بصور فيلم الكيت كات، فكنت لسه راجعة من العمرة وكان مفروض همسك خمرة لكني رفضت.
- اعتزلت التمثيل بسبب ابني عشان أقعد معاه لأن والده توفى بعد ما خلفته، والتمثيل كان بيمنعني اقعد معاه.
- التمثيل مينفعش مع الحجاب وبطلع عمرة دايمًا مع ابني.
اقرأ أيضًا..
رانيا يوسف تتحدث عن عودتها للتعاون مع سمية الخشاب بعد غياب 21 عاما: «زي ما هي».. خاص
تجربة مختلفة.. تفاصيل وموعد طرح فيلم كريم قاسم الجديد «حظك اليوم».. خاص
أمل إبراهيم غاضبة من فاتن حمامة
- بطلت اتفرج على فاتن حمامة وزعلانة منها بسبب إنها اتأمرت عليا في مسلسل ضمير أبلة حكمت، لما قالتلي على لبسي "مين لبسك اللبس ده ومبحبش حد معايا يلبس كده"، ولما قولتلها "ده الدور يا مدام فاتن"، ردت وقالت "أنا فاتن حمامة وأقول كل حاجة".
