ياسمين عز: «مينفعش تقولي لجوزك وهو نازل خد كيس الزبالة في إيدك»

وجهت الإعلامية ياسمين عز رسالة للفتيات، بعدما أثارت جدلًا كبيرًا بتصريحاتها الأخيرة، قائلة: "لفت نظري أن البعض ساب جوهر الموضوع ومسكوا في كلمة الفرخة والسجادة وغيرها".

وقالت ياسمين عز، في حديثها ببرنامج "كلام الناس"، المذاع على قناة إم بي سي مصر: "سمعت النهارده حكمة بتقول إن البيت الذي تمارس فيه الدجاجة عمل الديك مصيره الخراب".

وأضافت: "مينفعش تكوني ناعمة وأنثى وفي نفس الوقت قوية، لكن لازم تكون شخصيتك قوية، ومعدش أعاند وأناطح".

اقرأ أيضًا: بتوجيهات السيسي.. مبادرة ابدأ: توفير 150 ألف فرصة عمل للشباب

وتابعت: "لو كلفتوا نفسكوا تشوفوا الحلقة كاملة، قولت إن كلامي موجه للستات القادرة والمفترية، مش الشقيانة والتعبانة، دول كتر خيرهم".

وأكملت: "مسكتوا في الجذمة والسجادة، أمال لو قولتلك أوعي تقولي له خد كيس الزبالة في إيدك وأنت نازل، أنتي عمرك ما هتقولي لأبوكي كده، متعمقوش الموضوع، عشان مدخلش معاكوا في النقاش، ونحترم أبونا وأخونا، وأزواجنا كذلك".