جريدة الطريق رئيس التحريرمحمد عبد الجليل
الخميس 8 ديسمبر 2022 07:05 صـ 15 جمادى أول 1444 هـ

«بتهين الرجالة بحتة فرخة».. نهاد أبو القمصان تضع ياسمين عز في مرمى النيران

نهاد أبو القمصان- المصدر: فيسبوك
نهاد أبو القمصان- المصدر: فيسبوك

تظهر علينا المذيعة ياسمن عز، من حين وآخر بتصريحات مثيرة للجدل في برنامجها "كلام الناس" المذاع على قناة "إم بي سي مصر"، ودائمًا تضع نفسها محل انتقاد المشاهدين والمتابعين، لحديثها عن الحياة الزوجية، منها "البيت بفلوس الراجل.. وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها".

"أنتي فاهمة غلط"

المحامية نهاد أبو القمصان، رئيسة المركز المصري لحقوق المرأة، قالت: "المذيعة ياسمين عز كلامها مهين للرجالة أكتر ما هو مهين للستات.. لأنها اتكلمت في إن 4 حاجات.. الراجل يبقى كويس أوي لو ادتيله حته كبيرة من الفرخة.. لو سيبتيه يدوس على السجادة علشان هو اللي شاريها.. لو اتجوز عليكي قوليله باي باي".

وتابعت أبو القمصان عبر مقطع فيديو على صفحتها الرسمية بموقع التواصل الاجتماعي "فيسبوك": "أنتي بتتكلمي يا ياسمين عن راجل عايز شهادة معاملة أطفال.. لو أنتي متخيلة إن ده آخر أحلام الرجالة فإما إنتي فاهمة غلط يا إما في حاجة غلط.. لأن مش آخر هموم الرجالة أنه ياخذ حتة كبيرة من الفرخة.. والتعامل مع الراجل على أنه ماكينة صرف ده مهين جدًا".

وأشارت رئيسة المركز المصري لحقوق المرأة، إلى تخلي المرأة عن زوجها وموافقتها بأنه يتزوج من أخرى فإن هذا يدل على أن هذا الرجل لم يكن يهم زوجته في أي شيء.

"اقرأي علشان تعملي مناقشة حقيقية"

وواصلت المحامية: "رسالتي إلى ياسمين عز أنتي محتاجة تقري كتير علشان تقدري تعملي مناقشة حقيقية.. لأن كلامك متناقض مع شخصيتك على الشاشة.. اللي بتقوليه متناقض مع الوضعية بتاعتك".

أنواع الرجال

وأضافت نهاد أبو القمصان: "في نوعين من الرجالة.. الأول عاوز الست تتحط على حطة إيده يقولها اشتغلي تقوله حاضر واقعدي في البيت تقوله حاضر.. وده مش هيقرب منك خالص.. حضرتك يا ياسمين لو جالك قالك اقعدي في البيت هتقوليله حاضر".

ولفتت الأنظار حول النوع الثاني من الرجال: "ده بيكون عاوز واحدة قوية ومتمكنة ومستقلة وشريكة حياته وتناقشة ولو وقع تسنده.. ومتكنش رؤيتها ليه إنه ماكينة صرف فقط.. لو أنتي يا ياسمين عندك طموح اجتماعي هتلخبطي الرجالة".

اقرأ أيضًا: بعد تصريح «الرجل لطيف في الحرام».. «هوس الترند» يلاحق هبة قطب