ياسمين عز تعلق على تقبيل أصالة يد زوجها: «مش عيب ولا حرام» فيديو
علقت المذيعة ياسمين عز، على موجة الهجوم التي تتعرض لها الفنانة أصالة نصري، قائلة: "الناس بقالها كذا يوم بتتكلم عن النجمة الجميلة أصالة، وهي تتعرض لموجة من الهجوم غير المبرر من بعض الناس، بسبب صورة نشرت لها على مواقع التواصل الاجتماعي وهي تقبل يد زوجها العراقي فائق حسن".
اقرأ أيضًا: «استشارية» تحذر من استخدام «الزمزميات» البلاستيكية.. فيديو
وأضافت «عز»، خلال تقديمها برنامج «كلام الناس»، الذي يعرض على فضائية «إم بي سي مصر»: "في ناس قالت لها تبقيش منبطحة ومنكسرة ورجعية، واللي قالها عصر سي السيد انتهى، ومتحسسهوش أنك ضعيفة ومحتاجه له، وبكره تندم يا جميل، وهيعمل فيكي زي معمل اللي قبله، كلام صعب كتيير، وتعليقات مينفعش أقولها على الهواء".
اقرأ أيضًا: استشاري: حملة التطعيم ضد كورونا في شرم الشيخ لتقليل فرص العدوى.. فيديو
وتابعت المذيعة ياسمين: "فوق كل التعليقات ده، واحدة بتقولها بتبوسي ايده على إي، ده مفيش راجل يستاهل"، موضحًة: "في رجالة كتيير تستاهل وحنينة، وكفاية تحاكموا الناس على مشاعرهم وتوجهاتهم، أنتوا اية اللي مدايقوا في أن واحدة بتحب جوزها وبتعبر له عن حبها بالطريقة ده".
اقرأ أيضًا: سيدة تلعب «دومنة» على الإنترنت وتربح منها أموالا.. ماحكم الشرع؟
متسائلة: "هو عيب أن الست تقبل يد زوجها؟، ولية لما بيحصل العكس ونلاقي راجل بيقبل يد زوجته نقول أنها طريقة شيك وجميلة، ولكن لما تعملها الست تبقي كارثة، مع أني بشوف الحركة ده فيها كل معاني التقدير والحنية اللي في الدنيا، عشان الايد اللي بتبوسيها ده هي اللي بتسندك لما تقعي، وبطبطب عليكي في الحلوة والمرة".
