«الست دي بتنتهي.. يا وجع القلب».. تعليقات المشاهير على أزمة شيرين عبد الوهاب
أثارت النجمة شيرين عبد الوهاب، تعاطف وغضب الكثيرين من الحالة التي أصبحت عليها، وتصريحات شقيقها محمد عبد الوهاب حول إلزام أحد المستشفيات لعلاج شقيقته من الإدمان، وتواجد عصابة حولها مكونة من طليقها الفنان حسام حبيب والمنتجة سارة الطباخ.
وحرص العديد من مشاهير الفن والإعلام على توجيه بعض الرسائل لشيرين وتعليقهم على تصريحات شقيقها، ونستعرض لكم أهمها:
نشوى مصطفى
وجهت النجمة نشوى مصطفى رسالة مؤثرة، بعد تصريحات شقيق شيرين، عبر حسابها الشخصي بموقع التواصل الاجتماعي فيس بوك، قائلة: "يا عيني عليكي يا شيرين، يا عيني عليكي يا بنتي، إيه اللي بيحصلك ده، يا وجع القلب، ليه الفضايح".
رولا خرسا
وعلقت الإعلامية رولا خرسا، على أزمة شيرين ووجهت انتقاد شديد إلى شقيقها، وذلك عبر حسابها الشخصي بموقع التواصل الاجتماعي فيس بوك، قائلة: "اللي بيحصل لشيرين ابتلاء كبير أوي، أصعب حاجة في الدنيا أما أهلك يطلعوا يفضحوا أسرارك على الهواء حتى لو كان عشان حمايتك، اللي ربك ستره تفضحوه ليه؟، كان ممكن يستنجدوا بأي حد كتيمي من غير ما يطلعوا في التلفزيونات يتكلموا، قلبي واجعني على بناتها اللي عايشين في الجو ده واللي مهما كانوا شايفين، إلا أما الناس كلها تعرف هيتعرضوا في المدرسة ومن اللي حواليهم لكلام قاسي وتنمر".
نور محمود
كما وجه الفنان نور محمود، رسالة عن أزمة شيرين، عبر حسابه الشخصي بموقع التواصل الاجتماعي فيس بوك، قائلا: "هو مفيش حد في كل الدايرة المحيطة بشيرين بيحبها بجد ؟؟؟!!!، يعني إيه واحدة تتعد من المواهب الأصيلة في البلد تتلطش يمين وشمال من كل اللي حواليها، وتضرب وتتبهدل وتتفضح علي كل القنوات والصفحات بحجة انهم عايزين مصلحتها وفي الآخر تترمي في مستشفى، زي ما يكونش ليها راجل واحد أو أي حد يقف يدافع عنها، غلطت؟؟؟، ماشي بس مايكونش التمن إنها تتمرمط كدة، الست دي بتنتهي، وموهبتها هتتدفن، يارب تلحقوها".
اقرأ أيضًا:
احتجاز وضرب وتعاطي مخدرات.. شيرين عبد الوهاب تتصدر تريند جوجل
بتول عرفة
وعلقت المخرجة بتول عرفة، على أزمة شيرين، عبر حسابها الشخصي بموقع التواصل الاجتماعي فيس بوك، قائلة: "رفقا بشيرين وبناتها، نفسي قبل ما أي حد يكتب بوست أو كلمة عن شيرين عبد الوهاب الفترة القادمة يفكر لحظة في بناتها".
وتابعت: "كل كلمة بتكتب ممكن تكون بالنسبة لك عادية مجرد رأى أو معلومة أو حتى اهتمام بشأن فنانة مهمة جداً، بس بتدمر نفسية بنات صغيرة لسه شخصيتهم بتتكون، مفيش حد معصوم من الخطأ، وواضح أنها فترة صعبة جداً في حياتها سبوها تتعلم وتطلع منها بهدوء وسلام نفسي بأقل الخسائر".
