محمد التاجي: «مليش شلة في الوسط الفني.. وفكرت في الاعتزال»
كشف النجم القدير محمد التاجي، عن حقيقة تصريحاته السابقة، التي أعرب فيها عن الأخلاقيات بالوسط الفني، حيث قال إنها اختفت بعد عام 2011، وأكد على أن هناك أشياء عديدة تغيرت بالمجتمع كله وليس فقط بالوسط الفني.
وتحدث الفنان الكبير محمد التاجي، خلال استضافته ببرنامج "البخت" مع الإعلامية خلود عزمي، عبر شاشة قناة "الشمس"، قائلا: "زمان لما كنا نخش مكان نلاقي أمينة رزق وأحمد مظهر الناس دي ليها احترامها، والأجيال الجديدة مبياخدوش بالهم من الاعتبارات دي.
حقيقة اعتزال الفنان محمد التاجي للفن
وتحدث النجم محمد التاجي، حول فكرة الاعتزال، بسبب عدم الاحترام الذي يقابله من بعض المنتجين أحيانا، قائلا: "ده كان تحت بند عدم الاحترام، وفي حاجات كتيرة بتحصل جوا العملية الإنتاجية، لما منتج يتفق معايا على عمل وبعد كده المسألة بتبقى بقالة، وبنفاصل كتير".
وتابع: "ممكن تلاقي عمل بزلت فيه مجهود كبير، وأتفاجئ بكتابة اسمي بشكل وحش على التتر، فبيصعب عليا نفسي، وماليش شلة في الوسط الفني، وكل الناس حبايبي وبشتغل معاهم بقلبي، وشلتي الوحيدة، هي أحفادي.
اقرأ أيضًا.. وزيرة الثقافة: «دورة مهرجان القاهرة السينمائي الـ 44 تجمع بين الخبرة والشباب»
كما تحدث النجم القدير محمد التاجي، عن تعليق ورد فعل الفنان محمد رمضان، عليه بسبب أزمة المال والتاريخ، قائلا: "أنا مش شايف إن اللي قاله محمد رمضان عني فيه تجريح شخصي، وأنا يوميها حد سألني بيقولي عن رأيي في اللي عمله محمد لما كان بيرمي الفلوس بالبسين، ورديت قولتله الفلوس اللي اترمت دي فلوس فيك مش حقيقية".
وأردف محمد التاجي: "الفلوس بتيجي وتروح لكن التاريخ هو اللي بيفضل مع الناس وأنا معنديش دماغ ولا وقت أخش في مهاترات مع الناس اللي بتبهدل بعض، ولو كان محمد رمضان قاصد مدحي فأنا متشكر ليه ولو كان قاصد سخرية مني ربنا يسامحه".
اقرأ أيضًا.. وزيرة الثقافة: «دورة مهرجان القاهرة السينمائي الـ 44 تجمع بين الخبرة والشباب»
