أول تعليق من فريدة سيف النصر على أزمة شيرين عبد الوهاب الأخيرة

علقت الفنانة القديرة فريدة سيف النصر، على أزمة النجمة شيرين عبد الوهاب، عقب تصريحاتها الأخيرة، وإعلان عودتها لزوجها حسام حبيب، ووجهت فريدة رسالة شديدة اللهجة لمنتقدي أفعال شيرين، أعربت فيها عن استيائها من الإعلام وعدد من مقدمي البرامج.

تعليق فريدة سيف النصر على أزمة شيرين عبد الوهاب

ونشرت النجمة فريدة سيف النصر، منشورا لها عبر حسابها الرسمي على موقع التواصل الاجتماعي "فيسبوك"، وكتبت:

"بدل عنتر وعبلة.. حسام وهبلة.. الطيبة الزمان ده بتبقى هبل ياشيري.. المهم خلصنا كلام ولا لسه علشان مامي تتكلم".

وتابعت فريدة سيف النصر: "الهجوم زايد عن الحد من مطربات وممثلات ومعجبات.. يعني وكأن حياتهم كلهم مثالية.. الجميع عنده مشكلات وفيهم اللي انضرب واتشتم وخيانات ومشاكل مع الأهل عادي زي باقي البشر ده في حب بيقتل حبيبته أشمعنا مركزين معاها.. طبعا كل ده غلط وأرفض عقوق الوالدين خاصة الأم عشقي أنا أمي وطبعا الأخوات مايتعوضوش.. لكن بين السطور وأدق التفاصيل حاجات مانعرفهاش ماشوفناش.. هي فقط تعرفها".

وأردفت فريدة:

"الفرق بينها وبين غيرها إنها من غير فرامل.. اللي في قلبها وعقلها وكلها علي لسانها هي كده واضحة.. بلاش نحاكمها بقسوه دي حياتها هي حاسبوها علي فنها بس.. هي حد غلبان أوي عايز يحب ويتحب.. سيبوها ولو ربنا مش عايز ماكانوش إتجوزوا تاني".

اقرأ أيضًا.. سيد رجب: «لم اقرأ سيناريو 19 ب ومخاوف وأحزان الشخصية أهم من اسمها».. خاص

ووجهت الفنانة فريدة سيف النصر، رسالة خاصة لعدد من الإعلاميين:

"عيب بقي كل برنامج بمذيعاته جلد ونقد وكأنهم ملائكه عيب.. كفايه قنوات اليوتيوب السبوبه كل من هب ودب يسب الناس ربنا ينتقم منكم".

واختتمت فريدة رسالتها، قائلة:

"شيرين سيبوها هي حالة خاصة كصوت وشخصيه، شيرين تتجوز تتطلق إيه المشكلة هي في حالة عدم توازن بتحبه لكن مش ناسية كلامه لها وقالته وربنا مابيسيبش لو مأذيه ربنا مش هايسيب حقها.. سيبوها تخوض التجربة لآخرها دي حياتها ماتهددوهاش.. مش هانقف جنبك تاني خسرتي جمهورك إيه ده.. ليه يعني هي بقت جاسوسة، وبعدين اللي ضخم الحكاية الإعلام كفاية بقي حرام مش كده وعلى فكرة ياشيرين أغنية المترو تحفه، أقلب الصفحة ومن أول السطر.. خلصنا".