«شعبة المواد الغذائية» عن تسعير السلع: معندناش استقرار اقتصادي.. «خاص»

علق علي هاشم، عضو شعبة المواد الغذائية باتحاد الغرف التجارية، على قرار الحكومة بشأن تطبيق كتابة الأسعار على السلع المتواجدة في المتاجر والمنافذ.

وقال هاشم، في تصريح خاص لـ "الطريق"، إن تسعير السلع لا يمكن تطبيقه بدون وجود استقرار اقتصادي، معلقًا: "مش صح دلوقتي، لما يكون عندنا استقرار اقتصادي في البداية".

وأضاف: "دلوقتي المصنع اللي كان بيشتري حاجة بـ 100 جنيه بقت بـ 1000 جنيه، وتاجر الجملة عنده التزامات كتيرة، منقدرش نضبط الأسعار، لأن خلال الـ 4 شهور اللي فاتت كانت متفاوتة".

وتابع: "عشان نضبط السعر لازم نضبط السوق الأول، التجار الكبار لما بيكون عندهم كارتون زيت فيها 100 إزازة، بيبقى عايز يبيعهم بثمنهم مش أقل".

وأكمل: "رأس المال الوطني بينهار، لما يكون في منتج جاي مستورد بيتم تسعيره بناء على اللي بيشتريه، والأسعار بتتغير وفقًا للظروف".

وفي وقت سابق، أكد الدكتور مصطفى مدبولي، رئيس الوزراء، أن الدولة حريصة على ضمان توفير السلع بأسعار عادلة"، مؤكدًا أنه سيكون هناك مهلة أسبوعان لجميع المنافذ التجارية لوضع الأسعار على السلع واتخاذ كل الإجراءات الحاسمة ضد من لم يضع الأسعار.

اقرأ أيضًا: الرئيس السيسي يشكر الجالية المصرية على حسن استقباله بالولايات المتحدة