الرئيس السيسي: يمكن وصول مصر لكأس العالم بالجهد والإصرار

قال محمود أحمد بطل مصر في ألعاب القوى من نادي فرسان الإرادة ولاعب في الإتحاد المصري للإعاقات الذهنية، موجها سؤال للرئيس السيسي خلال فعالية "قادرون باختلاف": "انهاردة مش جاي اسأل حضرتك أنا جاي أقول أنا بطل رياضي وكلية تربية رياضية مش بتقبلني وكلية إعلام رياضي مش بتقبلني يرضيك كده".

فعالية "قادرون باختلاف"

ورد الرئيس السيسي على بطل مصر محمود أحمد قائلا: "ميرضينيش واحنا هنحاسب بتوع تربية رياضية وبتوع إعلام برضه، الدولة مبتعتمدش في إدارتها على الأماني أو على النصح وتوجيه الكلام ولكن تدير أمورها من خلال قوانين ونظم تنظم كل شيء".

وأضاف الرئيس السيسي: "حجم القوانين مش بس للشباب والشابات ولكن قوانين كتير البرلمان يعمل عليها، وهنشوف موضوع الكلية مع وزير التعليم العالي ونحتاج نبقى مع بعض".

وتابع بطل مصر محمود أحمد موجها سؤالا للرئيس عبد الفتاح السيسي: ما رسالة حضرتك للكرة المصرية للوصول إلى كأس العالم؟: ليرد الرئيس السيسي قائلا "سؤال مهم جدا متدخلنيش مع الكورة مفيش حاجة تقدر تتحقق من غير جهد وإصرار وانتوا مثال بالنسبة لينا وأسركم اللي قالت لا ومصرين على بذل الجهد لو بنتكلم عن الكرة مش لعبة ولكن الدنيا كلها بتحب تلعبها وتتفوق فيها احنا عندنا 105 ملايين بينهم 60% شباب لازم نعرف نشوفهم وندربهم ونصر عليهم وفيه جزء يقع على اللاعب ويعرف أنها رحلة طويلة معه.

ولفت بطل مصر محمود أحمد إلى أنه كان يريد اللعب في النادي الأهلي، ورد عليه الرئيس السيسي قائلا: "ووزير الشباب والرياضة يقول أنها سهلة إن شاء الله".

جاء ذلك خلال فعالية "قادرون باختلاف" في نسختها الرابعة بحضور الرئيس عبد الفتاح السيسي اليوم الأربعاء في مركز المنارة.

اقرأ أيضًا: ما خطورة الفيروس المخلوي؟.. اعرف الإجراءات الوقائية لمنع انتشار العدوى