السيسي: «أصعب شعور إن أهلك وناسك يضيعوا وأنت مش عارف تعمل حاجة»
أكد الرئيس عبد الفتاح السيسي، أن ما حدث في عام 2011 والخوف على المواطنين المصريين والشعب والبلد كان أمرًا ضروريًا لكل مسؤول في الدولة في هذا الوقت، قائلًا: "أكتر حاجة صعبة إنك تشعر أن أهلك وناسك ممكن يضيعوا وأنت مش عارف تعمل حاجة".
اقرأ أيضًا:الرئيس السيسي يشاهد فيلما تسجيليا بشأن تواصل ذوي الهمم مع العالم الخارجي
وتابع الرئيس السيسي، قائلًا: "سؤال الشاب رامز من أصعب الأسئلة، لكني جوبت علية كل مصدقية، وفي ناس كتير في مصر وتحديدًا في القوات المسلحة كان عندهم القلق والخوف من خروج الأمور على مجرياتها وتسبب دمار للبلد، مستكملًا، " لكن وأنا بقولها دلوقتي بعد 11 سنة إننا لازم تعرف يا رامز وكل المصريين يعرفوا أن اللي حمي مصر ربنا سبحانه وتعالى".
اقرأ أيضًا:وزيرة التضامن تطلق مبادرتين لذوي الهمم: «الإتاحة» و«أفضل صاحب»
وواصل الرئيس السيسي: "كنت من الناس اللي ممكن كانوا شايفيين أد أية حجم الدمار اللي كانت تدخل فيه مصر، وبالتالي كانت مصر تضيع فيه لسنين طويلة توصل لـ 20 أو 30 أو 40 سنة الله أعلم، ولكن مفيش حد تاني حمي البلد دي غير ربنا سبحانه وتعالى".
وأضاف السيسي قائلًا : "البلاد اللي حولينا أنتوا شايفنها، اللي دخل في أزمة 2011 مرجعش، وبالناسبة مصر كانت أضعف ظروف من البلاد دي، مشيرًا إلى أن عددنا كتير وتحديدًا نسبة الشباب في الدولة، وبالتالي لو كان حصل بشكل من الأشكال حرب أهلية في 2012 و2013، كان راحت مصر، ولكن نقدر نقول أن الجيش والشرطة والدولة دفعا ثمنا كبيرا".
