المطربة هدى في برنامج ”كلام الناس”: بصرف على الأغنية من جيبي وبيجي عليا أيام ألغي دروس بنتي لأني ممعييش مليم
حلت الفنانة هدى ضيفة على برنامج “كلام الناس”، الذي تقدمه المذيعة ياسمين عز، عبر فضائية "mbc مصر"، وذلك بعد فترة غياب دامت لسنوات طويلة على ظهورها عن الساحة الفنية.
سبب غياب المطربة هدى
وتحدثت المطربة هدى، خلال لقاءها مع الإعلامية ياسمين عز، عن سبب غيابها عن الساحة الفنية، وقالت: "الظروف بتاعة فيروس كورونا وإني بشتغل وبنتج لنفسي فمش دايما هتبقى الحياة حلوة، وأنا مختفية عشان كنت مقلة جدا في السوشيال ميديا".
وتطرقت الفنانة هدى بالحديث عن أشهر أغانيها، والتي تألقت بها وهي أغنية "بين نارين"، فقالت: "أول ألبوم خلصته وبنعمل أول أغنية في الألبوم التاني، سمعت الأغنية دي من غير مزيكا وعجبتني جدا وقتها، ومكنوش راضيين يدوهالي، وبعدين خدتها وكانت وش السعد عليا".
وأضافت المطربة هدى، خلال استضافتها في برنامج "كلام الناس"، قائلة: "أنا عمري ما وقفت أمضي مع حد عقد احتكار، وأما بتصرفي على نفسك وشغلك بيبقى أفضل، وطول الوقت بصرف على الأغنية من جيبي".
اقرأ أيضًا..
رمضان 2023.. وليد فواز يتعاقد على مسلسل «الإمام الشافعي» أمام خالد النبوي
وأوضحت المطربة هدى عن تعرضها لأزمة مالية، فقالت: أنا اتعرضت لـ أزمات مادية كتيرة ومكنش معايا مليم في البيت، ومن الوقت للتاني بيكون في دروبات عندي مانا زي الناس وبيكون عندي مسؤوليات تانية وكمان عندي بنتي وحاجات مسؤولة في رقبتي، فلو فيه شوية فلوس بنكون بردو بين نارين مش هعمل أغنية وهدفع فلوس المدرسة عشان انت مقلة بيصبرك شوية، وكان بيجي عليا أيام ألغي درس بنتي عشان المصاريف وميكونش في مليم في البيت".
وتطرقت هدى في حديثها: "أنا عمري ما طلع عليا إشاعة غير إنهم كانوا يشبهوني بـ حكيم البنات، وجه على بالي كتير إني أعمل ديو مع حكيم لكن عمر ما كان بجدية".
كما تحدثت المطربة هدى، خلال حديثها مع ياسمين عز، عن علاقة الرجل بالمرأة، فقالت: "الحياة مشاركة لكن مينفعش هي تبقى شايلة الكفة الأكبر وتساعده لو هو شايلها وسند ليها، والناس كلها ذكور بس مين بقى راجل والأفعال اللي هتبين الراجل".
واستكملت النجمة هدى، وقالت: "قفلة الباب مش سلهة ولما النفوس بتشيل بيبان كل حاجة وممكن راجل بلا شيء بيبقى شايلك ومش يحسسك بحاجة لكن أغلبية الرجالة عايزة تاكل وتشرب والستات هي اللي تصرف عليها".
