ياسمين عز عن دكتور الأسنان: «صوته شتوي وربنا بيحبك لو اتجوزتيه»

أبدت الإعلامية ياسمين عز، إعجابها بجميع أطباء الأسنان، قائلة: "رزق من عند ربنا، ولو اتجوزتي دكتور أسنان يبقى ربنا بيحبك، لسانه بينقط سكر وعسل وشهد مكرر".

وأضافت ياسمين عز خلال تقديمها حلقة اليوم من برنامجها "كلام الناس" المذاع عبر فضائية "إم بي سي مصر"، مساء اليوم الأحد: "بتروحي لدكتور الأسنان متأللمة وبتخرجي من عنده سعيدة ومبتسمة"، معلقة "القادر يطيب ألام الأغراب أكيد هيقدر يطيب ألم أقرب الناس له".

اقرأ أيضًا: عاجل.. وزير النقل يكشف حقيقة زيادة أسعار القطارات والمترو «فيديو»

وتابعت: "دكتور الأسنان هتلاقيه عامل زي المغناطيس بيجذب كل الناس، ودائمًا هتجدي نفسك بتتشدي لزوجك، أو خطيبك لو كان طبيب أسنان، وهتحبي الكلام معاه".

وأردفت: "هتحسي أنك متجوزة دكتور نفسي وليس دكتور أسنان، صوتهم دائما جذاب، وشتوي طوال الوقت، ونادرًا أن تجدي دكتور أسنان صوته عالي، تحسي أن البينج اللي بيستخدموه انعكس على شخصيتهم فأصبحوا هادئين".