شقيقة أحمد مكي تكشف سبب عدم مشاركته في أعمال فنية.. فيديو

كشفت الفنانة إيناس مكي سبب عدم مشاركتها مع أخيها الفنان أحمد مكي في أى أعمال فنية، مؤكدة أنه إذا وجد دور مناسب لها سوف يرشحها بكل تأكيد.

قالت إيناس خلال لقاءها في برنامج "الستات" عبر قناة "النهار": "الناس زعلانة إننا مش بنشتغل مع بعض بس أنا مش زعلانة خالص، أنا بحب أخويا لشخصه مش عشان هو فنان، كل واحد فينا ليه العالم بتاعه فنيًا".

اقرأ أيضًا: في دار الأوبرا.. مدحت صالح وريهام عبد الحكيم يقدمان الموسم الثاني من «صوت السينما»

سبب عدم عمل إيناس مكي مع أخيها أحمد مكي

وأضافت: "لكن إحنا كأخوات دايمًا في حضن بعض وسند وضهر لبعض دايمًا، وأنا كإيناس بحس إني مش محتاجة لأى مساعدة، والموضوع ليه علاقة أكتر بشركات الإنتاج مش بالفنانين، وإحنا في شخصياتنا معندناش حته إننا نطلب حاجة من حد حتى صحابنا الفنانين أو المخرجين أو المنتجين".

وتابعت: "أنا مش مستبعدة إننا نشتغل مع بعض، ممكن في أى وقت يلاقي شخصية شايفني فيها يكلمني، خصوصًا كمان إن هو مخرج مش بس ممثل، وأنا أكبر منه بـ7 سنين ودخلت الفن قبله"، وعن رأيها في مسلسل الكبير، قالت: "رأيي هيبقى مجروح جدًا لأنه أخويا، بس أنا بحب شخصية حزلقوم لأنها تركيبة مختلفة وصعبة على أى ممثل".

اقرأ أيضًا: من داخل اللوكيشن.. أحمد العوضي يحتفل بعيد ميلاد زوجته ياسمين عبد العزيز