بعد عرضه في مصر.. عمرو سلامة يشيد بفيلم «الهامور»: «حدث تاريخي»
أشاد المخرج عمرو سلامة بالفيلم السعودي "الهامور"، بعد مشاهدته للعرض الخاص، الذي أقيم في دار العرض المصرية لأول مرة.
وكتب عمرو سلامة، عبر حسابه الشخصي بموقع التواصل الاجتماعي فيسبوك: "اتفرجت النهاردة على العرض الخاص لفيلم "الهامور" أول فيلم سعودي يتم طرحه في دار العرض المصرية، عندي شعور إن ده حدث تاريخي لكذا سبب".
واستكمل: "لأنه أول فيلم سعودي يطرح في دور عرض مصرية، الاحتمال الأكبر إنه يمكن مش هيحقق نجاح جماهيري كبير في مصر مع الجمهور المصري لإن الجمهور المصري مش متعود على لهجات عربية ثانية بالرغم من إنه فيلم فعلا حلو، الفيلم جودة صورته، جودة إنتاجه، المواهب التمثيلية، مايقولوش إن ده طالع من صناعة لسة ماكملتش حتى عشر سنين".
وأضاف: "من أهم التأملات هي مساحة الحرية الرقابية في الفيلم، اللي طالع من بلد المفروض إنها بلد محافظة بالمقارنة، اللغة المستخدمة، تناول المواضيع، استخدام الممنوعات، كلها مهمة لسياق الفيلم ولغته، مع التنويه أن الفيلم للكبار، ولا اعتقد أنه لم يزعج أحد، بالعكس بيقول إن السعودية فيها مساحة حرية إبداعية تجعلنا على الأقل نتأمل".
اقرأ أيضًا: بعد تصدره التريند.. مواعيد عرض حكاية «جروب الدفعة» والقنوات الناقلة
وتابع: "الفيلم لازم أولا نحييه، ونحيي صناعة بتكبر في لمح البصر، مش بس علشان معاها إمكانيات مادية ومدعومة، اللي يشوف كده قصير النظر، لأ لأن كمان عندهم مواهب كانت مستنية الفرصة تثبت موهبتها، ثانيا لازم يخلينا نتأمل إحنا فين، ورايحين فين، وهنعمل إيه، من سنة بس كان الكل بيجمع إن الفيلم المصري هو اللي بينجح تجاريا داخل السعودية أمام نظيره السعودي، ولسة قدامهم كثير علشان يعملوا فيلم سعودي ينجح تجاريا أمام الفيلم المصري، السؤال اللي لازم نتأمله: هل هييجي يوم وهتلاقي فيلم سعودي بينجح تجاريا في مصر نفسها أكثر من الأفلام المصري؟ ولو حصل.. مش عيب برافو عليهم، الفيلم الأفضل حقه ينجه أكثر".
