علا غانم: «زوجي كان بيصورني من أول يوم وبقالي سنتين مش عارفة أتطلق».. (فيديو)

تصدرت الفنانة علا غانم تريند مواقع التواصل الإجتماعي، بعد لقاءها مع الإعلامية ريهام سعيد في برنامج "صبايا الشمس"، ويعتبر هذا أول ظهور لها بعد أزمتها الأخيرة مع زوجها، كما كشفت خلال الحلقة عن العديد من الأسرار حول حياتها الزوجية.

قالت علا غانم خلال الحلقة، إنها تعرفت على زوجها في أمريكا ولكنه مصري، وكان يملك مطعم ومحطة بنزين وباع كل شئ، وأنها وافقت على الزواج منه لأنها كانت تريد شخص بجانبها، وكنت فكراه هيكون أب لبناتي، وخلاني أمضي على ورقة إني بعتله بيتي في أمريكا".

تصريحات علا غانم مع ريهام سعيد

وأضافت: "هو كان أكبر مني ب 16 سنة تقريبًا، وكان بيبص لستات تانية وأنا معاه وكنت بقوله طيب انت اتجوزتني ليه؟، لكن هو اتجوزني عشان أنا علا غانم الفنانة المشهورة، ومكنتش مبسوطة معاه خالص ولكن كنت بعتبر إني مستفيدة بالاستقرار ومتطمنة على بناتي وكان كويس معاهم وهما صغيرين لكن لما كبروا لا".

وتابعت علا، أنها عندما قررت الانفصال عنه أو رفع دعوى خلع، هددها بفضحها على السوشيال ميديا إذا استمرت في طلبها، واكتشفت إنه كان بيصورني من أول يوم جواز، وبقالي سنتين رافعة قضية خلع ومش عارفة أتطلق، وكل حاجة عملتها في 25 سنة ضاعت".

تصريحات علا غانم عن زوجها السابق

وقالت علا غانم: "من 2017 إحنا مش زوجين، ومن 6 سنين رفعت قضية طلاق للضرر ولكن قالولي هتاخد وقت، وبعدين رفعت خلع من سنتين، ومكنتش بحبه عشان جوازي منه كان قرار مش عن حب هو كان عشرة بس، وفي الأول كنت بديله فرصة وفكراه هيتغير، وكان بيخوني ولما أواجهه بيتهمني بالجنون، ومكنتش متخيلة إنه في يوم هيأذيني".

أزمة علا غانم

قبل عدة أسابيع، استغاثت الفنانة علا غانم بالمجلس القومي للمرأة من زوجها، لأنها تتعرض للضرب وبعد ذلك تعرضت لوعكة صحية خطيرة تسببت في دخولها المستشفى إثر إصابتها بارتجاج في المخ ونزيف داخلي وكدمات في الضلوع اليمنى وكسر في إصبعي بين العضمتين، واتهمت زوجها بضربها، ولكن بعد استقرار حالتها الصحية غادرت المستشفى.