الفنانة لوسي: «الرقص مهنة في النور مش تحت السرير.. ومش خايفة أموت بالبدلة»

كشفت الفنانة لوسي، أسرارا عن مشوارها الفني وخاصة الرقص الشرقي، قائلة إنها لا تخاف أن تموت وهي مرتدية بدلة الرقص.

وأضافت الفنانة لوسي، خلال لقائها الخاص ببرنامج "العرافة" المذاع عبر فضائية "المحور" من تقديم الإعلامية بسمة وهبة، مساء اليوم الثلاثاء: "أنا مش بعمل حاجة في السر، بعمل حاجة الدنيا كلها بتشوفها مش تحت السرير، بعمل كل حاجة في العلانية.. زي الدكتور اللي بيلبس البالطو الأبيض أو الكناس اللي بيلبس البدلة بتاعته.. مهنة الرقص دي في النور مش مستخبية".

وتابعت: "أنا مش بقدم بجاحة ولكن الرقص ده فن والبلد معترفه به.. الرقص مرسوم على الجدران من أيام القدماء المصريين"، معقبة: "نصيبي كده ومكتوب على جبيني إني هبقى رقاصة وأشتغل في الأفراح الشعبية لحد ما أكبر شوية وأبقى كومبارس وممثلة ونجمة وبطلة ومشهورة".

ويجرى عرض الجزء الأول من حلقة لوسي في برنامج العرافة وشيخ الحارة اليوم في تمام الساعة 6:15 مساءً، بينما يُعرض الجزء الثاني غدًا الأربعاء 29 مارس الجاري في نفس الموعد.