علا غانم: «طليقي جاب صحابه و6 سيدات وضربوني»

قالت الفنانة علا غانم، إنّ زوجها ابتزها بصور وفيديوهات، موضحةً: "شخصيته الحقيقية ظهرت منذ 6 شهور، عشان اكتشف إني مصممة على الطلاق، وقالي هفلسك وهخليكي في الشارع مش لاقية تاكلي، وهو يقدر يعمل ده".

وأضافت "غانم" خلال استضافتها، ببرنامج "العرافة"، المذاع على قناة المحور: "عقد البيت باسمي ورغم كده طردني منه وضربني أنا وأمي، أمي اتضربت بالشوم، وكان بيبرمني من الروب بتاعي، وكل ده بمساعدة أصدقائه وشلته وكان معاه 5 أو 6 سيدات عملت بلاغ واتعملي أمر تمكين، لكني مش هعيش مع واحد مش بحبه ورفضاه بقالي سنوات، أجرت له بيت في أمريكا عشان يعيش فيه".

تصريحات سابقة لـ علا غانم

وفى وقت سابق قالت الفنانة "علا غانم": متجوزتش ولا ملياردير ولا مليونير ولا أي حاجة، أنا اتجوزت راجل عادي مصري أمريكي قابلته بالصدفة في أمريكا.

وتابعت "غانم": طلب الجواز مني أول ما شوفته في أمريكا وأنا رفضت وقولتله أنا معرفكش ولا أنت تعرفني.

وأضافت الفنانه "علا غانم": انفصلت عن أبو بناتي وقعدت 11 سنة سنجل، بعدين اتجوزت جوازة فاشلة قعدت 6 شهور واتطلقت، بعدين قابلت زوجي السابق ده.