منى زاهر تطلب من والدها العيدية أمام الرئيس: «العشرات الجديدة خليهالك.. عايزة المتينات القديمة»
شارك الفنان أحمد زاهر وابنته "منى" في احتفالية عيد الفطر المبارك في مركز المنارة بحضور الرئيس عبد الفتاح السيسي.
وتحدثت منى أحمد زاهر وهي على المسرح عن "العيد زمان"، وبدأت فقرتها قائلة: "ثانية واحدة ثانية واحدة استسمحك أقدم الفقرة دي.. صباح الخير يا ريس كل سنة وأنت طيب وعيد سعيد عليك".
ورد عليها الرئيس عبد الفتاح السيسي قائلا: "كل سنة وأنتي طيبة يا جميلة.. أهلا وسهلا بيكي".
وقالت منى للرئيس: العيد زمان يا ريس مكنش زي العيد دلوقتي"، ولكن دخل عليها أبيها أحمد مسرعا ليقول لها: "وأنتي يا صغيرة تعرفي إيه عن العيد زمان.. إنتي زمان بنسبالك ده أول امبارح.. وبعدين أنتي بتنصبي يا منى.. نصاابة.. كلتي دوري وكلامي وكل حاجة كدة"، فتأسفت ابنته قائلة: "سوري يا بابا أنا نسيت".
ليرد الرئيس عبد الفتاح السيسي مدافعا عنها: "يا أحمد متقولهاش كده هي مبتنصبش منى زي الفل".
وبعدها تحدث أحمد زاهر عن سعادته بمشاركته في الاحتفالية متذكرا ذكريات العيد في طفولته من شراء ملابس العيد والعيدية، لتطالبه ابنته بالعيدية وترفض أخذ 10 جنيهات وتطالبه بـ200 جنيه
وأكمل دوره قائلا: "صباح الخير يا ريس كل سنة وحضرتك طيب ومصر كلها طيبة وبخير، أنا حابب أنهاردة أن أشكر حضرتك على وجودك معانا.. مش بس عشان نفر ح أبناء شهداءنا الأبطال اللي ضحوا حياتهم كلها عشان خاطر مصر بل عشان الأجيال الجديدة.. عشان يعرفوا يعني إيه عيد".
وأضاف زاهر: " أنا فاكر زمان لمة كانت أمي تاخدني وأنا صغير عشان تشتريلي هدوم العيد".
فقاطعته ابنته منى قائلة: "هدوم العيد.. بابا أنت جبتهالي عشان تكلم عنها"، ومثل زاهر بأن ابنته أحرجته أمام الرئيس فقال لها: " أنا أسف يا حبيبتي لما نخلص هجبلك كل اللي أنت عاوزاها بس سيبيني أكمل".
وتابع، الفنان أحمد زاهر حديثه:"كنا نلف على المحلات وأمي تصر أنها تجيب ملابس كبيرة عشان تعيش .. مش مهم ألبس على مقاسي المهم لمة أكبر.. وأفضل أحضنها طول اليوم عشان أصحى الصبح ألبسها وأنزل جري على عشات أصلي.. وارجع بقى ألم العيديات الجديدة"، وللمرة الثانية تقاطعه أبنته قائلة: "العيدية فكرتني فين بقى عيديتي".
و رد الفنان أحمد على أبنته:"إية يامنى.. هو أنتي جاية تحققي أحلامك كلها هنا".
فردت عليه منى بخفة دمها :"هو في أحسن من هنا يعني".
وقال الفنان أحمد زاهر لابنته:"لما نخرج من هنا هديكي العشرات البلاستيكية الجديدة"، ليصدم الأب بردها:"لا يا بابا خليلك أنت العشرات الجديدة وهات المتينات القديمة".
