«عبدالله» طالب يبدأ مشروعه في بيع الإكسسوارات بسوهاج: «نفسي حلمي يكبر»

رغم صغر سنه فأن طموح "عبد الله" ابن محافظة سوهاج قاده إلى تدشين مشروع للاعتماد على نفسه، واستكمال تعليمه، متحديا كل الظروف ورافضا كلمة "المستحيل" ليبدأ في بيع الإكسسوارات مساء بعد انتهاء يومه الدراسي صباحا، رافعا شعار "الطموح" لتحقيق حلمه بأن يصبح صاحب محل كبير في يوم من الأيام.

عملت مشروع علشان «نفسي حلمي يكبر»

"أنا اشتغلت سنين واشتغلت كل حاجة علشان أتعلم، حبيت أتعلم علشان أقف على رجلي ويبقى ليّ مصدر دخل".. هكذا بدأ عبدالله محمد طالب في المرحلة الإعدادية حديثه لـ"الطريق".

بدأ "عبدالله" رحلته في العمل مبكراً منذ عمر السادسة، إذ اكتسب خبرة في مجالات مختلفة، والتحق بالدراسة بجانب عمله، وذلك لرغبته في الاعتماد على نفسه وعدم الاعتماد على والده، ومازال يعمل لاكتساب المزيد من الخبرات.

بحلم أدخل كلية كويسة علشان أفرح أهلي

وكان يحلم دائما أن يكمل تعليمه وكي يدخل الكلية المناسبة "علشان أهلي يفتخروا ويتشرفوا بي، أنا دلوقتي وصلت 3 إعدادي، ولسه مستمر علشان أكمل، وبعرف أوفق بين شغلي وبين مذاكرتي الحمد لله"، ليحول العمل لأداة محفزة له وليست عائقا أمامه.

افتتح "عبدالله" أول مشروع له، وهو عبارة عن فرش لإكسسوارات البنات وبعض أدوات المكياج، "سعرها كويس ومناسب لأي بنت طالبة في ثانوي أو الجامعة، وحاجات ضرورية لأي بنت، وانا موجود يومياً في منطقة الثقافة بسوهاج".

يتمنى "عبدالله" أن يتوسع في مشروعه، وأن يصبح في يوم من الأيام، محلا كبيرا بدلا من محل صغير "بحلم مشروعي يكبر ويكون فاتحة خير، ووقتها أكون حققت حلمي في التعليم والتحقت بكلية كويسة أفتخر بيها وأفرح أهلي".

اقرأ إيضا http://مستسلمش للبطالة.. شاب سوهاج يبدأ مشروعه بعربية فطير متحركة