خالد يوسف : المخرج يوسف شاهين أوصاني بإقامة عزاء له في مسجد عمر مكرم

تصدر اسم المخرج خالد يوسف محركات البحث في "جوجل" خلال الساعات القليلة الماضية بسبب تصريحاته في برنامج "السؤال الصعب" والمذاع عبر قناة سكاي نيوز العربية عن المخرج الراحل يوسف شاهين وتنفيذ وصيته.

وصية المخرج الراحل يوسف شاهين

كانت من أبرز تصريحات المخرج خالد يوسف التي أثارت جدلا بالسوشيال ميديا هو حديثه عن وصية المخرج يوسف شاهين والتي لا تنفذ.

وخلال لقائه قال خالد يوسف متحدثًا عن وصية صديقه الراحل يوسف شاهين: أول مرة أقول الكلام ده صوت وصورة كنت قاعد مع الأستاذ والمخرج الكبير يوسف شاهين وفجأة قالي ولا يا خالد أنا لما أموت لازم تعملي العزاء بتاعي في جامع عمر مكرم وتشغل الشيخ محمد رفعت الله يرحمه.

وصية يوسف شاهين

أضاف قائلاً : أنا اندهشت جدا وقولتله ليه يعني؟ قالي أنا عايز كده ده المشهد اللي أنا عايزه في جنازتي فطبعا لو كنت قولت الكلام ده بعد رحيله كان مين اللي هيصدق الكلام ده ممكن يقوله إني بدعي.

وتابع: وبالفعل روحت تاني يوم على طول لولاد أخواته جابى وماريان خوري والأستاذ قاعد وقولتلهم الأستاذ قالي واحد اتنين فكان ردهم مذهل بالنسبالي معندناش مشكلة.. هما مسيحيين.. أنت أعمل العزاء في الجامع وإحنا نعمل عزا في الكنيسة فكان ردهم بسيط جدا واتقفل الموضوع على كدا.

وأستكمل: وعند أول يوم للوفاة قعدت مع أسرته تاني وقولنا هنعمل إيه في اللي هو قاله لان دي تعتبر وصية فقالوا هنعمل زى ما هو قال، فاتصلت عشان أحجز الجامع فرفض وقالوا ده راجل مسيحي أزاي هتعمله جنازة في الجامع؟ لازم نرجع للجهات المعنية الأمنية و قالو لي لازم تكلم فلان حد في وزارة الداخلية.. فقالي الكلام اللي أنت بتقوله ده هيعمل قلبان في البلد وإحنا مش ناقصين ورفض الأمن إقامة العزاء.

اقرأ أيضا: هشام شربتجي.. معلومات عن «شيخ الكار» الذي رحل بعد صراع مع المرض