أحمد حلمي يكشف حقيقة تقديمه لفيلم رعب.. تفاصيل

كشف الفنان أحمد حلمي خلال استضافته في برنامج عيشها بإنرجي، مع الإعلامي وائل منصور والمذيعة منة عامر، عبر محطة راديو إنرجي، عن إمكانية تقديمه لـ فيلم رعب، أو نوعية مختلفة عن أفلامه الكوميدية، ورأيه في أعمال المنصات الإلكترونية.

أبرز تصريحات الفنان أحمد حلمي

وتحدث الفنان أحمد حلمي خلال حواره مع راديو إنرجي، قائلا: "آه طبعا جدا، وممكن أعمل أي دور، وأنا ديما بدور على إني أقدم حاجة تأثر في المشاهد، أوتخرج منها تفكر، والدنيا وجهات نظر، وأنا إما بلاقي فيلم مبيقدمش حاجة زي دي بستخسر أعمله، المواضيع الإنسانية مهمة أوي".

وأوضح أنه يحب سينما "البلاك كوميدي"، قائلا: "جايز عشان أنا برسم، والرسم له نظرة فنية حببني في الحتة دي، والفنان في بداية طريقه محتاج حد يسوقه والموهبة لوحدها مش كفاية، وممكن شخص طبعه دايما صامت ويكون بيضحك جامد جدا.. زي الفنان نجيب الريحاني أو دريد لحام.. هما بيقدموا قمة الكوميديا ولكن لما تقابلهم مبتلاقوش شبه اللي بيقدموه".

رأي الفنان أحمد حلمي في أعمال المنصات الإلكترونية

وأعرب الفنان أحمد حلمي عن رأيه في أعمال المنصات الإلكترونية، قائلا: "المنصات الرقمية فيها ميزة حلوة بالنسبة للفنانين إنها مدفوعة الأجر.. وكأن اللي بيشترك فيها دافع فلوس وجايلك وده فيه قيمة حلوة، واللي بيتقدم على المنصة مفيهوش حسابات البوكس أوفيس، ولكن فيه حسابات تانية إنه إزاي يعجب الناس".

اقرأ أيضًا.. تامر حسني يغني ويرقص مع الركاب داخل الطائرة.. فيديو

فيلم واحد تاني للفنان أحمد حلمي

وفي سياق آخر، كان آخر أعمال أحمد حلمي، مشاركته في بطولة فيلم واحد تاني بجانب كوكبة من النجوم، ومن بينهم: النجم عمرو عبد الجليل، والفنان سيد رجب، ونسرين أمين، والنجم الشاب أحمد مالك، ونور إيهاب وآخرين من ضيوف الشرف، والعمل من تأليف هيثم دبور، ومن إخراج محمد شاكر خضير.