فرح هريدي: «طلعت كومبارس في فيلم تاج من غير ما أعرف»
شنت البلوجر فرح هريدي حربا جديدة على الفنان تامر حسني بسبب فيلمه الجديد "تاج" والذي يعرض ضمن أفلام عيد الاضحى، معبرة عن غضبها من صناع العمل من خلال فيديو عبر حسابها الرسمي على فيسبوك .
فرح هريدي وتامر حسني
وظهرت البلوجر فرح هريدي في مقطع فيديو عبر حسابها على فيسبوك قائلة: "أنا طلعت كومبارس في فيلم تامر حسني الجديد بس محدش قال لي، واللي حصل أن القائمين على الفيلم كلموني وقالوا لي إن تامر حسني بيعمل فيلم جديد وعايز يعمل معايا ومع كذا انفلونسر محتوى مقابل إننا هنعمل معاه فيديوهات على حساباتنا بمواقع التواصل الاجتماعي".
و أستكملت: قالوا لي مفيش فلوس هو يوم بالحب وتامر نفسه مش هياخد فلوس على اليوم دا، وقالوا هيكون فيه 15 شخص بس ومع الأسف كل دا كان أي كلام، ولقيت ناس كتير وكنت أنا وباقي أصدقائي البلوجر واقفين في النص و وقفونا وبدأوا يصورون و اتضايقنا وقولنا عادي هنخلص عشان نبدأ بعدها نصور الفيديوهات الخاصة بينا.
وأضافت فرح: قعدنا ساعتين في التصوير ولقينا فجأة تامر حسني وقالوا لنا يلا اتصوروا معاه بسرعة عشان نمشي وكل واحد اتصور صورة واحدة، وأنا مكنتش عارفة إني هطلع في الفيلم و مخدتش جنيه وكلنا مكناش راضين عن اللي بيحصل.
فيلم تاج
يشارك الفنان تامر حسني في فيلمه الجديد "تاج" الذي يعرض ضمن أفلام عيد الاضحى المبارك ، ويشارك بالعمل كلا من الفنانة دينا الشربيني ، وعمرو عبدالجليل، وإخراج سارة وفيق، وتأليف تامر حسني .
اقرأ أيضا:
