هاني عادل: ليه الشتيمة في الراب عادي والمهرجانات لأ؟

وجه الفنان هاني عادل، سؤالا لمتابعيه عن انتقاد تقديم ألفاظ خارجة في المهرجانات والأغاني على الرغم من تقديمها في الأغاني الأجنبية والراب، وذلك من خلال منشور عبر حسابه الرسمي على فيسبوك.

هاني عادل

وكتب هاني عادل قائلاً: ليه الشتيمة والألفاظ في الراب عادي والمهرجان والأغاني العادية مش عادي، ليه الشتيمة والألفاظ في الأفلام الأجنبية اللي بتوافق عليها الرقابة عادي، والشتيمة في الأفلام المصري مش عادي؟.. ده ليه؟ هو الشتيمة لو جاية من حد بيلبس شيك أو بالإنجليزي تفرق عن واحد شعبي وبيتكلم مصري من الشارع أو بيغني؟.

وأضاف: محتاج أفهم فعلا محتاجين نعرف برضوه، إن فيه مشاعر في الأغاني والأفلام مش هيتعبر عنها إلا كدة، هتقولي والأطفال هقولك عيالك يعرفوا شتايم من قباحتها مش هيوصلك معناها اصلا، وابقى احترم أنت وعيالك لما بيتكتب على السينما فوق 18، وفيه محطات راديو بفلوس برضه في العالم كله فوق 18.. هي أسئلة كتير بس أتمنى يكون ليها إجابة.

أخر أعمال الفنان هاني عادل

شارك هاني عادل مؤخراً في مسلسل "بنون" والمقرر عرضه قريبا عبر المنصات الرقميه والعمل مكون من 6 حلقات فقط ، كل حلقة مكونة من 30 دقيقة.

مسلسل "بنون" من إخراج أسد فولادكار، وقصة أسامة حسام الدين، وتأليف محمود محرم ورفيق القاضي ، ويشارك في العمل الفنانة بسنت شوقي، هيا فياض، مريم سعيد صالح، يارا عزمي ، محمود حجازي، رانيا الملاح، محمد حسيب، ميريت عمر الحريري، محمد نبيل .

اقرأ أيضاً.. هاني عادل ضيف منى عبد الوهاب في ”أنا والقناع”