لطيفة: «تربيتي منعتني من الغناء في الكباريهات وبعت عربيتي عشان أعمل ألبوم»

حلت الفنانة لطيفة ضيفة في برنامج "معكم" مع الإعلامية منى الشاذلي، وتحدثت عن مشوارها الفني والمواقف التي تعرضت لها وتفاصيل أول زيارة لها لمصر، ومقابلتها لـ بليغ حمدي، إلى جانب تقديمها العديد من الأغنيات خلال الحلقة.

أبرز تصريحات لطيفة مع منى الشاذلي.

-تربيتي منعتني من الغناء في الأفراح والكباريهات والملاهي الليلية.

- لما اتشهرت في تونس كانت ثقافة الغناء في الأفراح موجودة ولكن الأمر مرفوض من الأسرة.

- أمي كانت بتهربني من البيت عشان تبعدني عن الغناء في الأفراح.

- تجربة فيلم سكوت هنصور من أحسن تجارب حياتي.

- يوسف شاهين وزياد الرحباني وفاتن حمامة من أبسط الناس.

اقرأ أيضًا: لأول مرة.. عرض فيلم لص بغداد لمحمد إمام على cbc

- في فيلم سكوت هنصور مكنش سني يقول إن روبي بنتي لكن اللي كان بيقول عليه يوسف شاهين بنفذه.

- رفضت مشهد جرئ في فيلم سكوت هنصور وقولتلهم مش هعمله وهديكوا الأغاني هدية وسبت التصوير.

- اللي وقف معايا كان أحمد وفيق وقالهم هي رافضة من الأول وفعلًا عملنا الفيلم من غير القبلات.

- والدتي اتبسطت لما الفيلم اتعرض وفرحت أكتر لما اتعرض في تونس.

- محظوظة إني زرت فيروز في بيتها وهي في منتهى البساطة والذوق.

- والدتي هي الرقابة الأولى لي في حياتي.

- في أي حفلة لازم أعمال بروفة قبل ما أخرج أغني والصفة دي هتفضل فيا العمر كله.

- اتربيت في بيت بيحترم الفن ووالدي كان يسمع إذاعة صوت العرب باستمرار.

- بعت عربيتي عشان أعمل ألبوم أكتر من روحي بحبك وكان فيه 7 أغاني.

- كنت خايفة من أغنية أرجوك اوعى تغير لكنها كسرت الدنيا والناس عرفتني في الشارع.

- أهلي اشترطوا عليا لو هقدم فن يكون فن محترم فيه هدف وقيمة.

- أول مرة جيت مصر اتعزمنا في بيت محمد عبد الوهاب وكنت بسلم على الناس لقيت بليغ حمدي كان هيغمى عليا.

- بليغ حمدي طلب مني أغني غنيت أفرح ليه وكلم عبد الوهاب محمد وقالي لازم ييجي يسمعك.

- بليغ حمدي طلب مني أجى مصر واستقر فيها عشان استكمل حلمي في الغناء.

اقرأ أيضًا: ياسمين صبري لـ«الطريق»: «دوري في فيلم البعبع مختلف عليا تمامًا»