هل تعتزل مي نور الشريف الفن؟ الفنانة تجيب
تميزت الفنانة الصاعدة مي نور الشريف ابنة الراحل نور الشريف بادئها الرائع والهادي في مختلف أعمالها الفنية، وأثبتت صحة المقولة "ابن الوزة عوام" لبراعتها في التمثيل.
مي نور الشريف
ابتعدت مي نور الشريف عن الساحة الفنية منذ عام 2017 بعد أخر مسلسل لها مع الفنان مصطفي شعبان يحمل اسم"اللهم إني صائم "، لذلك ترددت بعض الشائعات حول اعتزالها الفن وأصبح رواد السوشيال ميديا يتساءلون هل مي نور الشريف اعتزلت الفن أم لا ؟.
مي نور الشريف تعتزل الفن
وظهرت الفنانة مي نور الشريف في بعض التصريحات الصحفية و التليفزيونية وكشفت حقيقة الأمر وردت قائلة : أن الأمر كله في أنها تفضل قضاء وقتها مع العائلة والأصدقاء، وقالت: بحس إن كلمة اعتزال دي كلمة كبيرة أوي، يعني الاعتزال دا يكون لحد مشواره الفني تقيل أوي، لكن أنا أعتبر اللي أنا فيه ده من أول ما ابتديت، أه بشتغل في حاجات بروفيشنال، بس تعتبر كأني بشتغل بالموهبة وبأثقلها بس.
وأضافت: أنا نشيطة عائليًا، نشيطة في البيت يعني مع أهلي وأختي وصحابي المقربين، وأنا صحابي ناس معينة، ده من وأنا صغيرة، فـ أنا نشيطة مع صحابي وممكن هما برضه يكونوا مش بيشوفوني أوي، وباخد كورسات أونلاين، بس يعني.
واستكملت : فأنا مش شخصية سوشيال ميديا أوي، يعني حتى الأكونت نفسه بتاعي مفيش حد مثلا ماسكه، وببقى مش لاحقة دايما، وأنا حتى نشاطاتي على السوشيال ميديا قليلة أو إني أنزل منشورات وكدة.
و أردفت مي: ببقى مبسوطة إني ألقي ناس تبقى عجباهم أعمالي دي و فاكرين أدوار معينة، برغم إن أعمالي كانت محدودة، دي حاجة تسعدني طبعا.
مي نور الشريف تتمني أن تعمل مسرحية مع أختها
واختتمت مي نور الشريف حديثها قائلة : بحاول أشجع أختي إننا نعمل مسرحية، بس مش مسرحية كبيرة أو بروفيشنال، مسرحية صغيرة زي مسرحيات الجامعة مثلا.
آخر أعمال مي نور الشريف
شاركت مي نور الشريف مؤخرا في مسلسل "اللهم إني صائم" الذي عرض في رمضان 2017، مع الفنان مصطفي شعبان، ريم مصطفي، وفاء صادق، ماجدة زكي، فراس سعيد، ندي موسي، والعمل من إخراج أكرم فريد.
اقرأ أيضاً:
