زوجة علي الحجار: مش هنسيب حقنا في مشروع 100 سنة غناء
تحدثت زوجة الفنان علي الحجار "هدى" عن مساندتها لزوجها في جميع حفلاته خلال لقائها مع الإعلامية سهير جودة وتداول مقطع الفيديو عبر السوشيال ميديا.
زوجة علي الحجار مدافعه عنه
وكشفت "هدى" للجمهور عن أبرز أغاني علي الحجار التي تحبها ودعمها له في مشواره الفني، ومساندته في مشروع 100 سنة غناء.
وأوضحت أنها تُقدر حفلات زوجها الفنية مثلها مثل الجمهور: "مقدرش أسيبه وأنا مثل الجمهور أحب أستمتع بغناه، أنا باجي زي الناس لأن دي المتعة بتاعتي، وبعدين عشان أنا زوجته ولا بد أن أقف بجواره وبشوف عايز حاجة كل شوية".
وأوضحت زوجة علي الحجار، أنها تحب جميع أغانيه خاصة أغنية أنتي طلعتيلي منين وأغنية "عارفة "التي بدأ بها مغازلتها في بداية علاقتهما وأيضًا أغنية بطلة حكايتي.
أزمة مشروع 100 سنة غناء
وعن رأيها في أزمة مشروع 100 سنة غناء أوضحت: أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجأة حد يروح طالع بيه وعايز ينجح بيه واللي حواليه يدعموه بيه، يعني وجع قلبه عنده حق، وهنفضل وراه لغاية ما ياخد حقه، علي لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي.
بداية الأزمة بين علي الحجار ومدحت صالح
بدأت الأزمة بين علي الحجار ومدحت صالح عندما صرح علي الحجار في تصريحات تلفزيونيه سابقة، بأن مشروع 100 سنة غناء كان فكرته منذ 2002، موضحا أنه فوجئ بأن المشروع ذهب للفنان مدحت صالح.
وأعرب علي الحجار عن غضبه الشديد أثناء لقائه مع برنامج حديث القاهرة، مشيرا إلى أن الصياغة المناسبة للخروج من الأزمة الحالية بالاستحواذ على مشروعه وتغيير اسمه هو عودة الحق له، قائلا: الصياغة لهذه الأزمة أن حقي يرجع لي ويطلعوا يقولوا ده مشروعي، ولو مدحت صالح أو خالد داغر عرفني إنه هيعمل حاجة زي كده كنت هكلمه وأقوله أنت عارف إن ده مشروعي.
وأختتم: حلمي كان الدولة تنفذ المشروع لأن مش هينفع قطاع خاص مش هيقدر ينفذه، كنت أتمنى مدحت صالح يتواصل معي قبل الإعلان عن مشروع الأساتذة، وما حدث ليس توارد أفكار بنفس أفكاري وكلامي، معبرًا عن أمنيته ألا يصل الموضوع للقضاء.
اقرأ أيضاً:
