انهيار هنا شيحة من البكاء حزنا على أهالى غزة.. فيديو

حالة من الحزن الشديد سيطرت على الفنانة هنا شيحة، ودخلت في نوبة بكاء خلال حديثها عن الأوضاع المأساوية التي يعيشها أهل غزة، وقيام الاحتلال الإسرائيلي بالقصف المتعمد المستمر على القطاع والذي أسفر على استشهاد الآف الشهداء من الأطفال الأبرياء ظلما..

انهيار هنا شيحة من البكاء حزنا على أهالي غزة

وشاركت الفنانة هنا شيحا مقطع فيديو لها عبر حسابها الشخصي بموقع إنستجرام وقال: خلال الفيديو: نفسي أنام بالليل من غير ما اقوم مخضوضة في نص الليل..مبعرفش أنام من كتر المناظر اللي بنشوفها كل يوم المؤلمة المرعبة .. ومحدش يتمنى يكون مكان الشعب ده لا الأطفال دي ولا مكان الأمهات.. لمجرد التخيل بس إن أنت مكانهم وفيه قهر علينا".

وأضافت هنا شيحا: التفكير بقى أزاي نساعدهم إننا نفضل نتكلم عن الموضوع ونفضل ننشر ونساند بكل طريقة ممكنة... واللي يقدر يساعد بدواء أو بهدوم أي حاجة الناس طلباها الناس بقيت معدمة ماشيين فى الشارع.. فيه مليون طريقة ممكن نساعد بيها ومليون مؤسسة عندنا بتبعت مساعدات لحد غزة.. خلينا كلنا نساعد باللي نقدر عليه.. يارب يا رب الأزمة دي تنتهي على خير بدون أي قصف تاني من غير إبادة.. لأن اللي بيحصل ده فوق تحمل البشر.. لكى الله يا غزة وحسبي الله ونعم الوكيل.. ربنا معاكم".

اقرأ أيضًا:هنا شيحة تواصل تصوير «ما تيجي نشوف»