الإثنين 4 مارس 2024 09:07 مـ 23 شعبان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

«انتظمت في الصلاة بعد أحداث غزة».. أسما شريف منير: «خايفة من الموت ومش عارفة هقف إزاى قدام ربنا»

أسما شريف منير
أسما شريف منير

ردت الإعلامية أسما شريف منير على الهجوم الذي طالها خلال الفترة الأخيرة، بسبب حلاقتها لشعرها وتعليقها على أحداث غزة الأخيرة، مؤكدة أنها انتظمت في الصلاة من وقتها وتتمنى ارتداء الحجاب.

قالت أسما شريف منير في بث مباشر عبر حسابها على انستجرام: "الناس اللي بتشتم دي متعلمتش حاجة خالص أنت لما تشتم حد بتاخد حسنات؟ أنت كده دكر؟ بتتعلم إيه وبتعلم اللي حواليك إيه؟، ربنا يهديهم وأنا ولا بفكر في الناس دي".

تصريحات أسما شريف منير

وأضافت أسما: "من وقت اللي حصل في غزة خدتها عند مع نفسي والتزمت في الصلاة والحمد لله بقالي 15 يوم ملتزمة وقللت خروجي ودي حاجة مريحاني قوي، كل مرة الصلاة بتريحني وبتلهي في الدنيا بس دلوقتي بحاول، ونفسي انتظم على الصلاة لحد ما أموت".

وعن سبب عدم ارتدائها للحجاب، قالت: "الواحد يلتزم في الصلاة الأول وبعدين يغطي شعره، نفسي أعمل كده وربنا يهديني وأنا خايفة أعمل حاجة تكون مثال مش كويس للحجاب، الواحد لما بيبدأ في الخيط الأولاني ومينفعش تنفره في الحاجة دي، ولازم لما تشوف حد بيعمل حاجة تساعده وتدعيله بالهداية، ولو أنت شايف حد أبو لهب ياريت تحاول تفتح نفسه على الدين، واقتضى بالرسول عليه الصلاة والسلام".

اقرأ أيضًا: ابنة أسما شريف منير ترد على الهجوم حول والدتها وتوجه 5 رسائل للجمهور

أسما شريف منير: مش عارفة هقف قدام ربنا إزاى

وتطرقت أسما شريف منير بالحديث عن خوفها الدائم من الموت، وقالت: "بعد ما التزمت في الصلاة حسيت إني ممكن أموت عادي، أنا خايفة من الموت لأني حاسة إن ناقصني حاجات كتير ومش عارفة هقف إزاي قدام ربنا، خايفة أموت وأنا مش جاهزة، ربنا يثبتني على الصلاة والنفس السيئة ساعات بتدمر العلاقة اللي بيني وبين ربنا، وبحس لما بصلي بكون هادية وفي حد في ضهري ومفيش حد هيأذيني وعندي ثقة إن ربنا على طول معايا".