المفتي السابق يُحذر من التنمر والإساءة للآخرين والشتائم في الهزار
ورد سؤال للدكتور علي جمعة، مفتي الديار المصرية السابق، في برنامجه "نور الدين" حول هل الدين أمرنا نسامح الناس، وليه لما نسامح الناس بيغلطوا فينا تاني؟
وأجاب "جمعة"، اليوم السبت، أنه لا بد أننا نسامح، والمسامحة الغرض منها نفسى أنا لما بسامح بجمع درجات وباخد ثواب".
وتابع المفتي السابق، أن "طبيعة الناس النسيان، من أول سيدنا آدم، وسمى الناس لأنهم ينسون"، موضحًا أن التسامح والعفو والصفح يعتبر قضية كبيرة في حياة ناس كثيرة يصعب عليهم التسامح؛ لما وجدوا في قلبهم من حزنا لما وقع عليهم من أذيه وزعل ولا يستطيعون المسامحة.
وحذر "جمعة"، الشباب من التنمر والإساءة للآخرين وأخذ الأمر ببساطة، معقبًا: "يفكرها هينة وهو عند الله عظيم، ده ربنا أمرنا نقول للناس حسنى قبل الأمر بالصلاة اللي هي ركن الدين”، مضيفًا: "طيب لو أنت مش قادر تسامح، سامح في الظاهر، وهذا ليس نفاق وإنما ده من كتم الغيظ حتى لا يتطور الموقف إلى مشاجرة، دي أول المرحلة، كظمت الغيظ في قلبي ولم يطلع على يدى، ده درجة من درجات القرب والإحسان إلى الله، فالقران بعد كظم الغيظ يقولك والعافين عن الناس وده لمصلحتك علشان تجمع درجات مع الله، وكمان والله يجب المحسنين، والله لو عملنا كده الدنيا كلها هتحب بعضها".
