محكمة الأسرة اليوم 2020| ”مرات أبويا دمرت حياتي”.. أختان في مواجهة أمام القاضي
"غيرة مرات أبوها ورثتها بنتها، وخطفوا مني جوزي، شفتها معاه، ولما صرخت قالتلى هيطلقك"، بدموع حزينة ولسان متلعثم وتوتر شديد، بدأت "زينة" تروي قصتها أمام محكمة الأسرة بالتجمع الخامس لتبرر طلبها للطلاق للضرر.
الطفلة وزوجة الأب
وقالت الزوجة فى دعواها أمام محكمة الأسرة بالتجمع الخامس: "أمي ماتت من سنين، كنت لسه طفلة صغيرة، معرفش حاجة، صحيت على صوت ست جديدة فى البيت وأبويا بيقول اتجوزها، شفت معاها المر، كنت خدامة البيت، وشفت الذل أكتر لما خلفت بنت" .
وواصلت الزوجة فى دعواها أمام محكمة الأسرة بالتجمع الخامس: "أنا البنت المغضوب عليها فى البيت، مرات أبويا بتكرهني، وبنتها كرهتني زي أمها، وكنت دايما بتعاقب من أبويا بسبب تصرفات أختي، بس دمرت حياتي أكتر لما خلتني أسيب مدرستي، ولما اتقدم العريس وقفت بكل قوتها عشان تمنع الجواز".
وأضافت الزوجة أمام محكمة الأسرة بالتجمع الخامس: "كانت عاوزاني أفضل عايشة خدامة عندها، بس أنا وافقت عشان أهرب منها ومن جحيمها، وفعلا وافقت على العريس وسيبت البيت واتجوزت، 6 شهور حياتي مستقرة مع جوزي، لحد ما بدأت مرات أبويا تدخل فى حياتي تاني".
أختي وجوزي
وأكملت الزوجة دعواها أمام محكمة الأسرة بالتجمع الخامس: "أختي من والدي بدأت تقرب من جوزي بطريقة وحشة، وبعد محاولات منها جوزي استجاب ليها وبدأ يضربني ويعاملني بعنف، وبعد ماكانت حياتي استقرت الشيطان دخلها تاني".
واستطردت الزوجة أمام محكمة الأسرة بالتجمع الخامس: "شوفت جوزي مع أختي فى وضع غير أخلاقي، ولما صرخت وزعقتلها، ردت بمنتهي البجاحة إنه هيطلقني ويتجوزها، روحت اشتكيت لوالدي، مكنش ليه أى رد فعل، هربت على خالى وأقمت دعوى طلاق للضرر، بعد ماحاولوا يسرقوا حقوقي ويجبروني أتنازل عنها".
اقرأ أيضا: الحق مشوارك| سيولة مرورية اليوم بشوارع وميادين القاهرة الكبرى
