أسامة قابيل: «في ناس فاهمة كلام ربنا خطأ وبتنشر كل حياتها على السوشيال»
حذر الدكتور أسامة قابيل، من علماء الأزهر الشريف، من المفهوم الخاطئ لدى البعض من قول الله سبحانه وتعالى "وأما بنعمة ربك فحدث"، لافتا إلى أنه ليس معناه أن نذيع على الناس ما نعم الله به علينا من أموال وغيرها، على مواقع التواصل الاجتماعى.
وقال "قابيل"، خلال حواره مع الإعلامية إيمان رياض، في حلقة برنامج "من القلب للقلب" المذاع عبر فضائية "mbc masr2"، اليوم الإثنين: "الموبايل اللي بقي حياتنا كلها موجودة عليه، فلان سافر فلان اشترى، فلان عنده. فلان عمل فرح بالشكل المعين، فلان أولاده فى البسين بلبس معين، فلان بيتفسح في المكان الفلاني، كل تفاصيل الحياة ونعم ربنا علينا كل يوم على السوشيال ميديا، يعمل تعب عند الناس، نربط بينه وبين الآية الجميلة، يبقى نحدث بنعم ربنا علينا بمساعدة الناس مما كرمنا الله به".
وتابع الدكتور أسامة قابيل، بقول لكل تاجر وكل إنسان ربنا أدى له نعمة "وأما بنعمة ربك فحدث"، معناها إن أنت تعطي من نعم ربنا فتتحدث بها، ربنا أعطاك علم تعلم الناس وتحدث الناس بالعطية والهبة دى ، خلى عطاءك من جنس العمل زي ما يقولوا، طبعا زي ما أحنا بنقول كده أنفق من جنس أو من نفس اللي ربنا أعطاه لك، الحاجة اللي ربنا أعطاها لك يعني اللي عنده مطعم، يخصص وقت للطعام للفقراء والمحتاجين.
واستكمل أحد علماء الأزهر الشريف، فيه شباب كانوا عاملين مطعم في مكان ما وكانوا مخصصين ساعة كل يوم مخصصينها أكل ببلاش لمن لا يستطيع، شرفوا المعنى الجميل في العطاء، يزكي من جنس عمله يحدث بالنعمة كده العطاء والنعمة اللي ربنا أعطاها له، لو أنت طبيب خصص وقت للمرضى غير القادرين.
اقرأ..أيضا: اقتصادي: برنامج الإصلاح الاقتصادي المصري امتص تداعيات كورونا
