مدحت بركات يكتب: مش هَلومك يا وطن
في ذكرى والدي.. مش هَلومك يا وطن.
حرمتني من دفنة أبويا علشان أحميك من الخطر، آخر ذكرياتي معاه وأنا خارج مسافر بعيد عن الوطن، حرمتني أزوره في المستشفى وأشاور له من ورا إزازه.
مش هحكي لك عني لما كانت روحي بتنسحب مني وهو بيموت وبيحتضر، مش هحكي لك عني وأنا باستلم خبر موته، واللص والفاسد منعوني من دفنته، ومش هحكي لك عني وأنا سايب أمي المريضة وحيدة تبكي لفقدانه وفقداني.
ياااااااه يا وطن.. ده إنت كنت قاسي قوي معايا.
بس مش هَلومك يا وطن.
ده أنا كنت ثائر وبضحي من أجلك في السلم والخطر.
حرمتني ليه من دفن أبويا يا وطن؟
خلتني أصرخ وأقول ليه الوطن غدر؟
يااااااااااا وطن.. رجعنا تاني بحكم القوي القادر القدير نحميك في السلم والخطر، ومش هنبخل عليك يا وطن.
بس اوعى يروح عمري في حماك هدر، وأصرخ تاني وأقول ليه الوطن غدر؟
