”لازم نديك حقك”.. حسن شاكوش يعتذر من حماقي ”فيديو”
تراجع مطرب المهرجانات حسن شاكوش عن كلامه الأخير الخاص بعدم اعتذاره للمطرب محمد حماقي بعد ما أشيع أنه سرق لحن أعنيته "حاجة مستخبية".
حيث اعتذر حسن شاكوش و المطرب الشعبي عمر كمال للملحن محمد مدين والمطرب محمد حماقي، عن سرقتهما لحن أغنية "حاجة مستخبية" واستخدامها في أغنيتهما الأخيرة "بنت الجيران".
حيث نشر عمر كمال مقطع فيديو له برفقة حسن شاكوش عبر صفحته الشخصية بموقع التواصل الاجتماعي "فيسبوك"، وقال عمر كمال في الفيديو : "إحنا عايزين نشكر الملحن مدين ونتأسف له لو هو زعلان مننا، بس هو مش زعلان مننا أنا عارف".
وأضاف: "الفيديو ده رسالة اعتذار مني ومن أخويا حسن شاكوش لمدين، الأغنية عاملة 65 مليون بفضل ربنا والناس ثم طبعا اللحن بتاعك اللي هو لحن (حاجة مستخبية)".
وتابعا : "إحنا عملنا فكرة بنقلش أو بنهزر مع الناس حاجة خفيفة الحمد لله ربنا كرمنا بيها ونجحت".
واختتم كلامه: "وبعد كده كان لازم الحق يرجع لأصحابه، اللحن ده يا جماعة لحن أغنية حاجة مستخبية لمدين ومحمد حماقي".
ومن جانبه أضاف حسن شاكوش: "أنا بقول لك يا مدين الأغنية نجحت بلحنك، وإحنا طبعا لازم نديك حقك ودي أغنية حاجة مستخبية لأخونا وحبيبنا النجم محمد حماقي".
وتابع :" الفترة الجاية إن شاء الله هنطور من المهرجان وهتشوفوا حاجات حلوة".
