راندا حافظ تشيد بقرار نقابة الموسيقيين: كلمات أغاني المهرجانات كارثية

علقت المطربة راندا حافظ، على قرار الفنان هاني شاكر، بمنع فرق المهرجانات من الغناء وعدم التعامل معهم نهائيًا، حيث كتبت عبر حسابها الخاص بموفع "فيسبوك: "قرار نقابة الموسيقيين مهم وبداية لعملية فلترة وتصحيح المسار اللي حصل فى الذوق العام ويمكن الغلطة اللي حصلت فى الاستاد تكون البداية لانقاذ أولادنا والجيل الجديد من كلمات أغاني المهرجانات الكارثية".

وأضافت راندا: "ياجماعة أنا بنت أختي عندها اقل من ٣ سنين ماشيه فى البيت تقول "فيجوو الدخلاوي" والحمد لله أنها محفظتش حاجة من باقي الأغاني".

وتابعت: "وشهادة حق أنا تعاونت مع المدفعجية فى أغنية "الدنيا غابة" وحاولت أعمل شكل جديد مواكب للي بيحصل لأن اللون الغنائي بتاع المهرجانات ناجح مع الناس بكل طبقاتها ولازم نعترف بكده وكان كل اهتمامي وأنا بعمل الأغنية دي الكلمات لأني عارفه الألفاظ والايحاءات اللي فى كلمات الأغاني بتاعتهم محتاجه توجيه ورقابة من الجهات الخاصة".

اقرأ أيضًا: تعليق غير متوقع من بسمة وهبة على قرار منع أغاني المهرجانات (فيديو)
وانهت راندا كلامها: "الناس اللي بتغني مهرجانات بتحاول تعمل شكل جديد وده حقهم وهما نجحوا يوصلوا للعالم العربي ويحبوهم والأجانب كمان معترفين بيهم يبقي لازم نعالج الموضوع بحكمة شوية علشان الناس دي تبقي موجودة بشكل لائق ومحترم".

يُذكر أن راند حافظ طرحت مؤخرًا أغنية "الدنيا غابة" مع المطرب الشعبي عبد الباسط حمودة وفرقة المدفعجية، من كلمات إسلام شيندى وإسلام كنكا، ألحان ديزل، ومن توزيع وسام عبد