صباحك روقان.. اضحك مع فؤاد المهندس وحلقة انقطاع المياه (فيديو)
صباحك روقان.. انقطعت المياه عن أغلب محافظات مصر في الفترة الماضية، وذلك عقب العكارة التي أصابت النيل، بسبب المطار والسيول، وعلى الرغم من ذلك لم تكن تلك الظاهرة غريبة على المنازل امصرية، فكل فترة ليست بالبعيدة، يفاجئ الأهالي بانقطاع المياه، فقد تحدث عن ذلك الراحل فؤاد المهندس في البرنامج الأذاعي "كلمتين وبس"، في حلقة بعنوان "انقطاع المياه".
صباحك روقان اضحك مع فؤاد المهندس وانقطاع المياه
وبدأ الراحل فؤاد المهندس حديثه بـ" السمك دايما محتاج مياه، يعيش في مياه لو طلع منها وحد كاله محتاج يغسل أيديه بمياه وليمون، المكان الزقازيق، الزمان أي يوم في الشهر اللي فاتت، والواقعة، الواقعة بقا كانت سودة، سمك مقلي وسمك مشوي، كانوا عايزين ياكلوا سمك، كانوا عايزين ياكلوا تعابين، مالقوش تعابين، حتى السمك التعابين فيه أزمة، أومال لاقيت أيه يا سي محمود، قال لاقيت نوعين بياض مقلي وبلطي مشوي، البياض كان مش بطال، كان طول الواحدة منه زي طول الصباع، إنما البلطي كان صغير في السن شوية، السمكة كانت طول عقلة الصباع، سمك طفل، حتى السمك بندمره".
وأكمل: " بنصطاد السمكا الطفلة اللي المفروض تكبر بعد شهور، علشان يبقا في أزمة بعد شهور، طبعا المعازيم كانوا جاعوا، كان طابب على محمود أياميها يجي ستة، أقل واحد منهم ياكل أد ما ياكل غول صغير، اتحط السمك على التربيزة، والهجوم الساحق كان على المقلي الأول، لأنه كان أكبر، والمعازيم قالوا نلحق نايبنا لأحسن هنتاكل، محدش كل بالشوكة والسكينة كله شمر كمامه وهجم بإيديه وسنانه تساعد أصل السمك صغير وشوكة مش واضح ومكنش صايم كان واكل ومليان ومتختت، ابتدوا ينضفوا السمك بأيديهم وخلصوا أكل، كل واحد كان رافع ايديه جنبه، خايف يجيبهم نحيته لأحسن يوسخ هدومه، لحد قرب كيعانهم كانت أيديهم ملحوسة سمك".
وأضاف: " عظيم لحد كدا، جريوا على الحنفية، الأول قالوا مين هيغسل أيديه الأول، أكبر المعازيم سنًا، قال أنا اللي هغسل الأول، قالوا وماله، قالوا المية مش هتبقا كفاية، عايزين ليمون، قالوا بس نغسل الأول بالمياه، وبعدين نبقا نفكر، دخلوا على الحنفية، عملت بخ ولا فيش مياه نزلت افتحوا المحبس صاحب البيت قال المحبس مفتوح، المياه مقطوعة ومش أول يوم نعمل أيه شوفلنا مياه في القهوة اللي تحت، هي المياه بتقعد كتير مقطوعة، لا يمكن نستنا بالزفارة، قالوا نروح ترعة بهناباي، أكبر واحد سنا إتزحلق، وطب في الترعة، واحد حاول يطلعه قاله حاسب هدومي بقت سمك، صرخوا شدونا وحاسبوا من زفارة أيديكم، وهما بيشدوهم كلهم طبوا".
واختتم حديثه بـ:" كل يوم والتاني تنقطع، أطلب شبكة المياه هتيجة امتى، يقولك خمس دقايق، تطلب تان يقولك المياه أتاخرت يقول خلاص بعد خمس دقايق، يا عالم حسوا بينا مش كدا ولا أيه".
