الفن

بعد إصابتها بكورونا.. إيناس عز الدين توجه رسالة صادمة لجمهورها

الإثنين، 30 مارس 2020 05:45 مـ بتوقيت القاهرة

وجهت الفنانة إيناس عز الدين، رسالة للمشككين في إصابتها بفيروس كورونا، كما طمئنت جمهورها على حالتها الصحية، ووجهت لهم نصائح هامة وذلك من خلال فيديو مباشر نشرته عبر صفحتها الرسمية بموقع "فيسبوك"من داخل مستشفى الحميات بإمبابة.

قالت إيناس عز الدين في رسالتها: "أنا مش بحب أطلع شكلي مبهدل بس كان لازم أطلع زي مانا علشان تشوفوني بتعبي من مستشفى إمبابة للحميات، الحمد لله أنا بحاول أكون مبتسمة أنا مش مفزوعة ولا خايفة ولا بعيط ولا منهارة عندي رضا تام بكل اللي هيجبيه ربنا أيا كان هو ايه".

وأضافت: "حابة أطمنكوا عليا لساني عاجز عن الكلام من كتر ماشوفت دعواتكم ليا واتصالتكم ورسايلكم، ساعات ربنا بيعرضنا لأزمة صغيرة علشان يبين لنا معادن الناس اللي بتخاف علينا وبتدعي لنا بننية صافية".

وتابعت موجهة رسالة لكل من شكك في إصابتها بالمرض: "مع احترامي للجميع الشكل اللي أن طالعة به ده مش هوالهدف من الشهرة ولا هواللي الواحد يحب يشتهر به مفش حد هيحب إن الناس تخاف منه علشان متتعديش"، مضيفة، "أي بنت بتنزل صورة بتعمل مليون لايك ومليون شير لوطلعت بغني وبرقص هعمل أضعاف كده".

واستكملت: "أنا بطلب منكوا محدش يخاف ويهرب لو شعر بالأعراض خاف على أطفالك وزوجتك وأهلك وكل إنسان بتختلط به في الشارع كل واحد يراعي ربنا في الناس قبل نفسه"، مضيفة "كل فيديو لا كنت بعيط ولا بصرخ إحنا معرضين للمرض أي إنسان ومش بس الفيروس ده محتاجيبن نرفع مناعتنا والعامل النفسي بيرفع المناعة بشكل كبير جدا فبلاش خوف وقلق".

يذكر أن الفنانة إيناس عز الدين أعلنت مساء أمس الأحد، إصابتها بفيروس كورونا من خلال فيديو لايف عبر صفحتها الخاصة بموقع "فيسبوك" وقالت "هكون معاكم لحظة بلحظة بكل المستجدات.. أنا حرارتي بدأت ترتفع واقتربت من 38 ومش بتنزل وضربات قلبي سريعة جدًا وضيق التنفس زاد بشدة والسعال الجاف بدأ في الزيادة".

وأضافت: "اتصلت حالًا بوزارة الصحة وهيتصل بيا دكتور في خلال عشر دقايق يبلغني أعمل إيه وأروح أي مستشفى بما إن الأعراض زادت"،مضيفة "هطلعلكم لايف من المستشفى أبلغكم بكل المستجدات.. وبرضو مافيش داعي للخوف أو للهلع حرصوا ومتنشروش الذعر".