زوجة أمام محكمة الأسرة: عرضت نفسي للبيع عشان أسد جوعي

"عرضت نفسي للبيع عشان آكل، جوزي رافض يأكلني، وبتحجج بزيارة أهلي عشان أسد جوعي"، بتلك الكلمات البسيطة والمترددة وقفت الزوجة أمام محكمة الأسرة بروض الفرج تطلب الطلاق للضرر وتطالب بحقوقها كاملة بعدما عانت خلال مدة زواجها.

وقالت الزوجة أمام محكمة الأسرة فى دعوى الطلاق، إنها تعرضت لكل أنواع العنف والتعذيب على يد زوجها، مضيفة: "الناس تشهد على ضربه ليا بالمقص وسلك التليفون، وعصاية المكنسة، والحزام، والحرق لمجرد بس إنى مدايقة ولا مش عاجبه فيا حاجة".

محكمة الأسرة اليوم 2020| زوجة تطالب بأجر خادمة والزوج يرد بمحضر رسمي

وتابعت الزوجة أمام محكمة الأسرة، أنها لم تظن يوما أن زواجها سيكون نهاية مستقبلها، ولكن بعد أن ظهرت أخلاق زوجها الحقيقية، مضيفة: "كأنه واخد عهد على نفسه بإنه يموتني بالبطيء، وبخله عماه، لو معلقة أكل وقعت يضربني ويحاسبني عليها، ويضربني لحد ما أفقد وعيي".

وأضافت الزوجة فى دعواها أمام محكمة الأسرة، أنها زوجها حرمها من كل شيء، حتى الطعام، قائلة: "كل حاجة كنت بستمتع بيها فى بيت أهلى اتحرمت منها، كنت بزور أهلى وجيراني عشان آكل وأسد جوعي، بس للأسف كان عندى جوع للآمان مكنش حد عارف يسده، لدرجة إني عرضت نفسي للبيع عشان آكل".

وواصلت الزوجة فى دعواها أمام محكمة الأسرة: "صبرت كتير على جوزي، عشان مكونش مطلقة، وأهلى يتريأو عليا، لكن لما فاض بيا الكيل قررت أطلق"، لتشير إلى ذهابها لمنزل خالتها، والتي كانت تسدي إليها النصائح دومها، وقررت مشاركتها همها والاستعانة بها لرفع دعوى طلاق.

ووقفت الزوجة أمام قاضي المحكمة وعرضت نفسها أمامه للبيع لأي شخص، مقابل الرحمة من جبروت زوجها، مضيفة: "تعبت منه مش قادرة أعيش تاني، مش راضي يسيبني فى خالي، وآخر مرة هربت منه، أجبرني إركب عربيته وهددني بالسلاح، واغتصبني هو وصاحبه وصوروني عشان يبتزني ويرجعني ليه بالعافية، ورغم كل البلاغات اللي قدمتها ضده مش لاقية حد يحميني منه".