بعد 10 سنوات.. أورتيجا يكشف انفصاله رسميا عن أوكا (فيديو)
كشف مطرب المهرجانات أورتيجا، عن انفصاله عن صديقه أوكا بعد 10 سنوات من تعاونهما في عدد كبير من المهرجانات، حتى ارتبطا اسميهما ببعض وأصبحا مشهوين بأوكا وأورتيجا.
نشر أورتيجا عبر حسابها الخاص بموقع تبادل الصور والفيديوهات "إنستجرام"، فيديو ظهر فيه ليوضح لجمهوره حقيقة خلافه مع أوكا، بعدما تلقى أسئلة كثيرة من جمهورهما عن جود خلافات بينهما هي سبب الانفصال.
ومن جانبه أكد أنه لا يوجد خلافات بينهما، لكنهما انفصلا بالفعل، وتمنى له التوفيق، حيث قال خلال الفيديو: "بخصوص "أوكا وأورتيجا" علشان كل الناس اللي تبعت وتسأل أنتم ليه مبقتوش مع بعض أنتوا متخانقين؟، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة".
وأضاف: "أوكا أخويا وعشرة حياتي وصديق كفاح وشفنا كل حاجة حلوة ووحشة مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول".
وواصل: "كل القصة إن أوكا بقى لوحده وأورتيجا بقى لوحده وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا احنا الاتنين ويوفقنا".
اقرأ أيضًا: تأجيل حفل محمد منير بدرا الأوبرا.. اعرف التفاصيل
واستكمل: "أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق وربنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط".
