ريهام سعيد تبكي وتكشف تعرضها للتحرش.. ورد فعل قوي بسبب جملة ”إنتي رد سجون” (فيديو)
استنجدت الإعلامية ريهام سعيد بالسلطات المصرية وجمهورها بسبب تعرضها للتحرش أمام منزلها على الشاطئ بإحدى قرى الساحل الشمالي، وقالت فيديو نشرته وهي تبكي، إنها كانت تجلس على البحر ترتدي ملابس محترمة وغير مكشوفة وتطعم ابنها الصغير، وجاء عدد من الشباب يطلبون منها التقاط بعض الصور، لكنها رفضت بطريقة محترمة لانشغالها بطفلها، مؤكدة أن بعد رفضها للتصوير قام هؤلاء الشباب بسبها ومعايرتها بالحبس الاحتياطي التي تورطت فيه.
وكشفت ريهام سعيد عن صور لبعض الشباب التي اتهمتهم بالتحرش بها أمام منزلها بمنطقة مارينا في الساحل الشمالي، وعلقت على الصورة التي نشرتها عبر حسابها بموقع "إنستجرام":"لوسمحتوا محتاجة اتقدم ببيان رسمي للداخلية وأوريهم إن حقي مش هايضيع زي ما قالوا لي ابقي وارينا هاتعملي إيه؟ أنا محتاجة من فضلكم تساعدوني إني أعرف بياناتهم".
اقرأ أيضا| قُبلة ساخنة من أحمد الفيشاوي لزوجته احتفالا بعيد الأضحى (صور)
وأضافت: "كانوا بيتمشوا من الشاطئ العام وقعدوا في شمسية جنبنا، ابتدت المعاكسة والكلام اللي كله قلة أدب ومش عارفين أنا مين وبعدين كل ده مبنردش.. قاموا وقربوا مننا بنتي قالت لهم إيه ده ابعدوا مش عايزة اتخانق معاهم عشان ابني مايتخضش، لما قربوا عرفوا أنا مين قالوا طيب نتصور مردتش لإني كنت مضدايقة أوي من اللي بيعملوه".
تابعت: "سألني تاني قلت له أنا قاعده مع ابني اتصور إزاي، رد الاتنين دول واحد قال سيبك منها كانت محبوسة، والتاني رد قال فعلا دي رد سجون بصوت عالي جدا قدام كل الناس اللي قاعدين، واللي انقذني منهم ناس محترمة قاعدة جنبي مشوهم بعد ما فضلوا يقولوا ألفاظ".
