ريهام سعيد تدعم إيمي تاتو: «دمك خفيف وهتكسري الدنيا»

خرجت الإعلامية ريهام سعيد، عن صمتها وقررت أن تدعم خبيرة التجميل إيمي تاتو، وسط الهجوم الشديد التي تعرضت له، مما أدى إلى توقف برنامجها التلفزيوني بعنوان "ضي القمر" والذي كانت سوف تتحدث خلاله عن مستحضرات التجميل.

ريهام سعيد

وكتبت ريهام سعيد، عبر حسابها الشخصي بموقع التواصل الاجتماعي فيسبوك: "يا عالم الرحمة، أولا إيمي تاتو مش طالعة مذيعة علي قناه الشمس دي فقره في برنامج ليه مذيعة والفقرة بتتكلم عن التجميل اللي هي أثبتت كفاءتها فيه".

واستكملت في رسالتها: "ثانيا إيه كمية قلة الأدب دي وعلي فكرة كل اللي كاتب بوست يهاجم هايموت يشتغل في الإعلام، هي إيمي اللي خدت الفرصة منك ؟ لا محدش بياخد رزق حد، على فكرة في ناس علي الشاشات بفلوسها وفشله ومحدش بيتكلم جيتوا على الغلبانه اللي نحتت في الصخر لحد ما وصلت".

ثم اختتمت رسالتها قائلة: "إيمي دمك خفيف وعندك كاريزما وتتحبي و هاتكسري الدنيا مش كل اللي بيطلع علي الشاشة نسميه إعلامي في entertainer، بس احنا بقينا صعب أوي، حد فكر ممكن تبقي هي نفسيتها عامله ازاي دلوقتي ؟؟؟؟؟ مش مهم صح ؟ المهم تطلع عقدك علي الناس و بس .. وفيديوهاتها اللي عاملة ملايين هو ده مش جمهور ؟ عيب بقي الفاشل يطلع عقده علي الناجح لان و الله ما هاتاخد اكتر من رزقك".

اقرأ أيضًا.. بين الهجوم والإشادة.. باسل خياط يحدث ضجة في مسلسل منعطف خطر والجمهور: ”حلقة كمان وهنعترف بكل حاجة”

الجدير بالذكر أن خبيرة التجميل إيمي تاتو كانت قد تصدرت التريند من قبل بسبب غضب الجمهور وسخريته منها بسبب بعض الجمل التي كانت تقولها في مجموعة من الفيديوهات التي تنشرها عبر صفحتها الرسمية بموقع "فيس بوك".

اقرأ أيضًا: بعد دفاع الفتاة الإسرائيلية عنه.. محمد رمضان يستفز متابعيه.. والجمهور: ”عايز ايه من الدنيا؟” (صور)

فيديوهات إيمي تاتو

وكانت إيمي تاتو تظهر دائما لجمهورها ومتابعيها على السوشيال ميديا لتتحدث عن طرق رسم التاتو والمايكروبليدنج وغيرها من داخل صالون التجميل الخاص بها وتظهر في فيديوهات أخرى أيضًا من منزلها وهي تطبخ وتتفاعل مع متابعيها وتجيب عن أسئلتهم.