سارة بمحكمة الأسرة: جوزي عاوز ولد وأنا خلفتى كلها بنات
"أنا مبخلفش غير بنات، 5 بنات وجوزي عاوز ولد، وحماتي مش فاهمة إن خلفة البنات عيب من الراجل، وفى النهاية طردني وعاوز يتجوز عليا "، بتلك الكلمات وقفت أم البنات محكمة الأسرة بمصر الجديدة تطالب بحقوق بناتها فى النفقة من قبل والدهم .
اقرأ أيضأ: السيدة الصغيرة تبكي بمحكمة الأسرة: مرات أبويا بتبيع جسمي باسم الجواز
بدأت الحكاية حينما تزوجت سارة زواج تقليدي، ولكن مع فترة الخطوبة أحبته حد الجنون، لتكتشف أن الحياة بعد الزواج تختلف كثيرا عن الخطوبة وخصوصا إذا حضرت الحماة فى الموضوع وذكر إنجاب الولد " مشاكلى بدأت مع أول بنت خلفتها، حماتى وقتها كشرت وبانت نواياها، وكانت عاوز تخنق بنتي تموتها، ووقتها استحملت وقولت المهم جوزي".
الحماة لم تستلم لسكوت سارة ولكنها بدأت وصلة تعذيب مختلفة، كانت الوصلة بينهما الزوج "حماتي بدأت تعذبني ، ومش بترحمني، بسببها جوزي طردني من البيت، ورماني عشان عاوز ولد، وكان عاوز يتجوز على عفشي وأسكن أنا فى غرفة فوق السطوح مع بناتي، ولما رفضت كانت دي النتيجة، روحت لبيت أهلي وأنا مذلولة وقررت أطلب الطلاق، وأهرب من الجحيم بس هو رفض وساومني على التنازل عن كل حقوقي وحقوق بناتي، ولما قلت موافقة بس يصرف ع البنات رفضت حماتي".
اقرأ أيضأ: حماتي ملاك| محكمة الأسرة تضج بعد صراخ سيدة من حماتها: بتسلخني بالميه المغلية
"أنا بسجد كل يوم شكر لربنا عشان خرجت من البيت ده سليمة وبصحتي"، لتؤكد الزوجة أن حماتها وزوجها عاملاها بشكل همجي وغير آدمي، حتى إنهم فى إحدى المرات كسروا بأنفها، ومعصمها، "اتنازلت عن كل حقوقي وبعدها جوزي أخل بوعده ورفض يطلقني، ورفض يصرف على بناته، ووقتها عرفت إني حامل فى ولد، وحاول بعدها يردعنى لعصمته كتير بس أنا فاض بيا ورفضت، ومكنش قدامي غير محكمة الأسرة تجيبلى حقى أنا وبناتي".
