بعد تغريدته على تويتر.. شادي محمد يفتح النار على مدحت العدل
فتح شادي محمد نجم النادي الأهلي السابق، النار على السيناريست والكاتب مدحت العدل بعد سخريته من جماهير الأهلي الفترة الأخيرة.
وكان مدحت العدل قد كتب عبر حسابه الرسمي على موقع التدوينات القصيرة "تويتر": "الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست".
وتابع: "وصاحب أغنية ( بأحبك ياحمار) سعد الصغير مشجع أحد الأندية العربية حيعرفه، يا أمة ضحكت من جهلها الأمم".
ليرد شادي محمد عبر صفحته الرسمية على موقع التواصل الاجتماعي "فيسبوك": "الأهرام والحكام ونادي الدولة ده مش بحبك يا حمار، ده خروف بيقول ماء ماء".
سعد الصغير يرد على مدحت العدل
وكان سعد الصغير قد رد على مدحت العدل خلال فيديو بثه على حسابه الشخصي عبر موقع تبادل الصور والفيديوهات، حيث قال: "لو راجل غلبان بيقول الكلام ده هنقول مش فاهم، لكن أنت راجل فاهم، أنت عارف يا دكتور بحبك يا حمار اتقالت في سياق فيلم، لما تطلع وتعايرنا بيها يبقى ايه ده؟".
تابع: "طب عارف إن شادية وشكوكو غنوا للحمار، أنت بتعمل تنمر وأنت دكتور، واللي أبوه علمه أحسن من اللي معاه شهادة، شوف بتتكلم عني إزاي، لكن أنا أبويا فلاح علمني متنمرش على حد، وأصلا أنت متعرفش حاجة في الكورة، لأنك مبتلعبش، لو فريقك مغلوب متعرفش تطلع تحلل وتقول مين اللي لعب وحش".
اقرأ أيضًا: بعد أزمة التدوينة.. مدحت العدل يهاجم الأهلاوية ويجدّد التنمر بسعد الصغير (فيديو)
واختتم سعد الصغير: "لو بتعايرني يبقى أنت مش دكتور، نص فرقة الزمالك أنا اللي عاملهم فرحهم وبيحبوني موت لأني عمري ما أغلط فيهم، أنا دبلوم صنايع مبعرفش اقرأ بس أبويا علمني، وأنت اتعلمت بالورقة والقلم، حاول تتعلم من الكلام".
