فن وثقافة

الفيديوهات المسربة لابنة نهى العمروسي.. تفاصيل صادمة ترويها الأم عن قضية فندق فيرمونت

الأربعاء، 2 سبتمبر 2020 06:58 مـ بتوقيت القاهرة

تفاصيل تُكشف لأول مرة روّتها الفنانة نهى العمروسي، حول تورط ابنتها نازلي كريم في قضية فندق فيرمونت والفيديوهات المسربة لها، وذلك بعد تجديد حبسها لمدة 15 يومًا على ذمة التحقيق.

وكتبت نهى العمروسي عبر حسابها بموقع التواصل الاجتماعي "فيسبوك": "الست ساعات جوزها بيرغمها إنها تعمل حاجات مش عايزاها ولا راضية عنها، لكن بتعملها غصب عنها عشان ترضي جوزها خصوصا لو كانت بتحبها وبتثق ثقة عمياء فيه وسنها صغير ومش فاهمة الدنيا".

نهى العمروسي تكشف تفاصيل تورط ابنتها في قضية فندق فيرمونت

أضافت نهى العمروسي: "الفيديوهات المسربة لابنتي نازلي، ينطبق عليها المثل ده، واللي صورها وصوته باين في واحد منهم بوضوح كان جوزها اللي هو واحد من المتهمين في جريمة فيرمونت".

وتابعت: "الولد ده بنتي كانت بتحبه من وهما مع بعض في المدرسة وعلاقتهم استمرت 12 سنة، لحد السنة اللي فاتت لما تمت 21 سنة خدها واتجوزها من ورايا.. مفيش بنت منحرفة هتفضل مع واحد 12 سنة، واللي بيسرب الفيديوهات رقم من استونيا، بيبعت الفيديوهات للصحفيين ولأرقام عشوائية عشان يفضح بنتي".

فيديوهات ابنة نهى العمروسي صورّها زوجها

واصلت: "بنتي المسكينة فضلت 12 سنة مع واحد بيبتزها وبيهددها وكانت مبتتكلمش ولا بتقولي ولا بتقول لحد، لما اكتشفت قريب إن بنتي اتعرضت لكل القسوة دي سألتها ليه خبت عليا، وإيه اللي كان في دماغها ساعتها، ردت عليا وقالتلي أنا قولت أرضى وخلاص".

تابعت: "مع السنين البنت كبرت وبقت ترفض إنها توافق على حاجة هي مش راضية عنها، هددها وابتزها خصوصا، أخر سنتين، ورضخت لتهديداته وبعدين ثارت عليها وقررت متعملهاش تاني، الحاجات دي من ضمنها الفيديوهات المنشورة".

واختتمت العمروسي: "غطوا لحم بنتي ومتظلموهاش دي بنت يتيمة من طفولتها استفرد بيها واحد كان مدبر لها شر عشان كدا كان بيقصد يصورها بعلمها ومن غير علمها.. اتقوا الله".

جريمة فندق فيرمونت

تصدرت جريمة فندق فيرمونت منذ أواخر يوليو الماضي، مواقع التواصل الاجتماعي، حيث تداول الكثيرين من رواية نقلها حساب "شرطة الاعتداءات" على "إنستجرام"، أن فتاة قالت إنه تم تخديرها بمخدر GHB الذي يؤدي إلى فقدان الوعي وتم اغتصابها عام 2014 داخل فندق فيرمونت، وقاموا بتصوير أنفسهم خلال الاعتداء عليها بالإضافة لحفرهم أحرف أسماءهم على جسدها وتهديدها إذا قررت الإبلاغ عنهم.

وتلقت النيابة العامة مطلع الشهر الجاري، خطابا من المجلس القومي للمرأة يتضمن شكوى قدمتها المجني عليها وبعض المعلومات من شهود الواقعة، وفي 5 أغسطس الجاري، تم التحقيق بالواقعة، ولا تزال عملية ملاحقة المتهمين مستمرة حتى الآن.

وشهدت القضية عدة تطورات خلال الساعات الأخيرة الماضية، أبرزها القبض على عدد من الأشخاص على ذمة التحقيقات ومن بينهم الفتاة نازلي مصطفى كريم، ابنة الفنانة نهى العمروسي.