”لينا كلام مع مراتك”.. مرتضى منصور يفتح النار على أحمد فهمي بعد خناقة شيكابالا

فتح مرتضى منصور رئيس مجلس إدارة الزمالك المعزول بقرار اللجنة الأوليمبية، النار على الفنان أحمد فهمي بعد أزمته الأخيرة مع محمود عبد الرازق "شيكابالا" قائد القلعة البيضاء.

وشهدت الأيام الماضية مشادة بين أحمد فهمي وشيكابالا بعدما سب الأخير النادي الأهلي وجماهيره خلال وجود الثنائي في حفل زفاف شريف منير حسن عضو مجلس الزمالك السابق.

وقال مرتضى منصور خلال مداخلته عبر برنامج"زملكاوي" المذاع على قناة "الزمالك": "الولد الكومبارس اللي عايز ياخد شهرة على حساب شيكابالا، رأيي الشخصي من البداية أنه جاهل وغير مثقف".

تابع: "إحنا مش هنكلمك أنت، إحنا هنكلم زوجتك الفاضلة لأنها محترمة، وأعتقد أن زوج والدتها طلعت زكريا له مكانة عندنا، وهنقولها لمِّي الواد اللي عندك ده".

واختتم مرتضى منصور: "جمهور الأهلي محترم، وانصحك يا شيكابالا لا تتأثر، دا مش جمهور الأهلي هذا النموذج الذي يسيء لجمهور الأهلي".

أحمد فهمي يكشف تفاصيل المشادة

كشف أحمد فهمي تفاصيل الخلاف بينه وبين شيكابالا، حيث قال إنه حاول في البداية تهدئة قائد الزمالك حينما هاجمه خلال حفل الزفاف، مضيفًا: "قولت له ما أنت شتمت ناس تخصني، قالي: نعم يا أخويا مين بقى الناس اللي تخصك؟ جمهور الأهلي، طيب كذا النادي الأهلي.. كذا جمهور الأهلي.. وكذا أي حد بيشجع الأهلي، وقسما بالله ما بغير حرف".

أضاف فهمي، خلال مداخلة هاتفية مع الإعلامي عمرو أديب ببرنامج "الحكاية" عبر فضائية "MBC مصر": "قولت له أنت بتقولي الكلاده ده أنا كده يا شيكا؟ علشان الموضوع يتلم قام قايلي نفس الشتيمة المركبة دي أي حد يشجع النادي الأهلي".

تابع: "بصراحة أنا كابو والنادي الأهلي أهم حاجة بالنسبة لي حتى لو مستقلبي هيضيع وطبعا بعد ما قالي الكلام ده مشوفتش قدامي، أنا شتمته بشخصه وقسما بالله ما جيت ناحية نادي الزمالك ولا جمهوره والناس الحاضرة تشهد ومنهم حازم إمام وأمير مرتضى منصور".