رانيا محمود ياسين تكشف سبب صدمة الوفاة.. وحقيقة الخلاف مع عادل إمام

كشفت الفنانة رانيا محمود ياسين، نجلة الفنان الراحل محمود ياسين سبب صدمتهم بوفاته على الرغم من مرضه الشديد.

 

وقالت رانيا خلال مداخلة هاتفية مع برنامج "التاسعة" على التلفزيون المصري، مساء الخميس: "بابا كان بيدلعني لآخر لحظة.. حصلت لنا صدمة لإنه مكنش مدرك كل اللي حواليه.. حسينا إنه زهد الدنيا ومبقاش زي الأول".

 

وأضافت: "مكنش بحكيله مشكلة علشان مش يضايق، لما عادل إمام طلب منه اشتغل معاه في المسلسل قالي طبعا لازم توافقي لان عادل بجيب النجاح".

 

وتابعت: "كان فيه بينهم اختلاف في وجهات النظر في الشغل، لكن أستاذ عادل كان بيحبه ويقدره طول الوقت، لانه الخلاف في وجهات النظر حاجة مش عيب".

 

واستطردت: "احنا في المستشفى قولتله حسين فهمي بيسلم عليك، قالي سحس ده صاحبي جدًا.. وأنا قولت للاستاذ حسين إنه عمره ما نسيه.. عمره ما نسي حد من صحابه".

 

وأكملت: "حسينا إنه مش والدنا بسبب تعبه.. كان عقلًا يمشي على الأرض، ولما أصيب بالتهاب رئوي بكيتيري محصلتش نتيجة والبكتيريا انتصرت في النهاية".

وشُيِّع اليوم الخميس، جثمان الفنان الراحل محمود ياسين الذي وافته المنية بعد صراع مع المرض عن عمر ناهز 79 عامًا.

وشارك في تشييع الجثمان عدد من الفنانين، منهم حسين فهمي وأحمد السقا ولبلبة ونادية الجندي ودلال عبد العزيز وأشرف زكي ويوسف شعبان.