جميلة عوض تتصدر تريند جوجل بسبب حكاية ”لازم أعيش” بمسلسل ”إلا أنا”
تصدرت قصة "لازم أعيش" للفنانة جميلة عوض، من مسلسل "إلا أنا"، مؤشرات البحث جوجل خلال الساعات القليلة الماضية.
وحصد العمل ردود فعل إيجابية عبر مواقع التواصل الاجتماعي، وكتبت "ناريمن" زوجة الفنان رامي جمال عبر حسابها بـ"إنستجرام: "حبيت أوى فكرة القصة دى وإننا ابتدينا يبقى عندنا وعى لمناقشة الأنواع دى من الدراما وتقديمها بالشكل دا، وأد إيه دا ممكن يوعى الناس بالنوع دا من الأمراض اللى بتبقى عبء نفسى على صاحبها، وأد إيه اللى حواليه ممكن يوصلوه لأنه يكره نفسه أو أنه يحبها ويتقبلها، ودا دور الناس اللى حواليه ودور المجتمع فى تقديم دراما تفهم الناس دا، لأن قبل كدا ناس كتير مكنش عندها فكرة عن المرض دا وكانوا بيتعاملوا بطريقة تأثر نفسيا جدا على صاحب المرض اللى طبعا جزء كبير منه نفسى ومناعى، فكان بيزود المشكلة".
اقرأ أيضا| بحذاء على وجه ماكرون.. رد قوي من أحلام على الإساءة لرسول الله
أضافت: "بعد ما رامى أعلن عن مرضه بالبهاق جالى مسجات كتبر جدا من بنات سواء هى عندها المرض أو زوجها أو خطيبها وكانت بتسألنى مفروض اتعامل إزاى، وبصراحة كنت بستغرب جدا أن لحد دلوقتى معندناش وعى كافي أننا نفهم أن دا مرض مناعى عادى جدا زى أى مرض لا هو معدى ولا بيأثر على الشخص دا في حاجة أو ينتقص منه في شئ أبدا وكنت بوضح أنك مش محتاجة طريقة تعامل معينة لأن أصلا مفيش حاجة تستدعي دا، وعلشان كدا مبسوطة أننا الفترة الجاية هنقدر نقدم النوع دا من الدراما للناس اللى معندهاش وعى كافى وممكن تسبب مشكلة نفسية للى قدامها من غير ما تحس".
تابعت: "أتمنى الفترة الجاية تقديم أنواع مختلفة من القضايا اللى لحد دلوقتى محدش قدمها علشان نقدر نفهم نتعامل إزاى مع اللى حوالينا وإزاى أنت فى المجتمع ممكن تبقى مؤثر على اللى حواليك بطريقة غلط من غير ما تحس فى طريقة التعامل عموما وإنى كإنسان واجب عليا مكونش عبء أو سبب فى جرح أى شخص بطريقة أو بأخرى حتى لو الشخص دا مختلف عنى كل الاختلاف، أنا لسه مكملتش باقى الحلقات بس أتمنى يكون تناول الموضوع بشكل فعلا واقعى وإيجابى".
مسلسل "إلا أنا" قصة الكاتب يسرى الفخرانى، وتم عرض 5 حكايات هم "بنات موسى" بطولة وفاء عامر و"سنين وعدت" بطولة أروى جودة، و"أمل حياتى" بطولة حنان مطاوع، و"أمر شخصى" بطولة شيرى عادل، و"ضى القمر" بطولة كندة علوش، مع إضافة حكاية سابعة بعنوان "ربع قيراط" بطولة ريهام عبد الغفور، مقرر البدء فى تصويرها بعد يومين.
العمل قصة الكاتب يسرى الفخرانى، ويعتمد على حكايات مستقلة مستوحاة من قصص وأحداث واقعية، يضم المسلسل بطلة لكل حكاية من 10 حلقات ولكل حكاية مؤلف ومخرج وبطلة، ويناقش المسلسل العديد من القضايا التي تهم المرأة مثل نظرة المجتمع الشرقي للمرأة المطلقة وكفاح المرأة من أجل ذاتها وأولادها.
