أشرف عبد الباقي: اشتغلت وأنا صغير واتعلمت الكوميديا من عمال الورشة
قال الفنان أشرف عبدالباقي، إنه لم يشعر بحرمان في فترة الطفولة بسبب عمله في ورشة حدادة مع والده، ولكنه دائما ما كان يشعر بكونه "ذي قيمة": "مكنش مقفول عليا أني لازم أروح الشغل، ولكن حرصي على المسؤولية خلاني التزم يوميا، ومكنش عندي الاحتياج أني لو مروحتش هيكون عندي مشكلة".
وأضاف "عبدالباقي"، خلال استضافته ببرنامج "السيرة"، والذي تقدمه الإعلامية وفاء الكيلاني والمذاع على فضائية "DMC"، أن مكوثه مع العمال هو ما ساعده ليكون ممثلا كوميديا، وكان دائما ما يستمتع لوجود عمال بشخوصهم في يوم العمل: "حياة وبيقعدوا يهزروا ويضحكوا ومود لطيف جدا، واللي بيهون عليهم التعب هو الضحكة".
وأشار إلى أنه دائما ما يجد راحة البال في العمل إيا كان: "أنا عايش علشان أشتغل مش اشتغل علشان أعيش، وأهم حاجة في الدنيا هي الشغل ونحمد ربنا أن ربنا مدينا شغل في توقيت ناس بتلاقي صعوبة في الشغل، ودي نعمة من نعم ربنا".
