بعد الهجوم على ميدو.. عمرو محمود ياسين يوجه رسالة قوية

أعرب المؤلف عمرو محمود ياسين، عن استيائه من الهجوم الذي تعرض له الكابتن أحمد حسام ميدو نجم الزمالك السابق، من قبل بعض جماهير نادي الزمالك، بسبب hلتقاطه صورة مع الكابتن محمود الخطيب.

وأعاد عمرو ياسين، نشر تغريدة ميدو عن الخطيب، وذلك عبر حسابه الشخصي بموقع التواصل الاجتماعي "فيسبوك" وعلق: "وهو بعض جمهور الزمالك اللي بيهاجم ميدو عشان اتصور مع الخطيب يعني معلش بيفكروا في إيه؟ هو اتصور مع شارون ولا حاجة؟".

وتابع: "حصل إيه في عقول الناس؟ ليه الهيافة احتلت مساحات شاسعة من عقولكم؟ يا جماعة اقسم بالله في النهاية دي كرة قدم.. رياضة وتنافس.. وفرحة وهزار مع المنافسين هي مش خصومة وعداوة .. الواحد بيقرا و يتابع آراء وأفكار مخيفة بجد".

اقرأ أيضًا: الخطيب يكشف سبب بكائه بعد التتويج بدوري أبطال إفريقيا

وكان ميدو كتب، عبر حسابه الشخصي بموقع التواصل الاجتماعي تويتر: "على فكرة لو شوفت محمود الخطيب كل يوم كل يوم هروح اتصور معاه، وده اللي اتربيت عليه إني أحترم الكبير وأقدره وأحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته".